Андрэй Эдуардавіч Салікаў
Андрэй Эдуардавіч Салікаў (нар. 24 красавіка 1977 года ў Віцебску) — беларускі навуковец, педагог, кандыдат культуралогіі, дацэнт.
| Андрэй Эдуардавіч Салікаў | |
|---|---|
| Дата нараджэння | 24 красавіка 1977 |
| Месца нараджэння | Віцебск |
| Грамадзянства |
 Беларусь |
| Навуковая сфера | культуралогія |
| Месца працы | Рэспубліканскі інстытут вышэйшай школы |
| Навуковая ступень | кандыдат культуралогіі |
| Навуковае званне | дацэнт |
| Альма-матар | Беларускі дзяржаўны ўніверсітэт культуры і мастацтваў |
Біяграфічныя звесткі правіць
Скончыў ў 2001 годзе Беларускі дзяржаўны ўніверсітэт культуры і мастацтваў па спецыяльнасці «Народная творчасць, інструментальная музыка (народная)». У 2002 годзе там жа абараніў магістарскую дысертацыю па спецыяльнасці «Культуралогія». У 2002-2005 гадах навучаўся ў аспірантуры. У 2009 годзе таксама прайшоў перападрыхтоўку ў Рэспубліканскім інстытуце вышэйшай школы па спецыяльнасці «Арганізацыя работы з моладдзю». У цяперашні час навучаецца ў дактарантуры Беларускага дзяржаўнага ўніверсітэта культуры і мастацтваў.
Дысертацыю на саісканне вучонай ступені кандыдата культуралогіі па спецыяльнасці «Тэорыя і гісторыя культуры» абараніў 25 лютага 2010 года ў Беларускім дзяржаўным універсітэце культуры і мастацтваў. Тэма кандыдацкай дысертацыі: «Беларуская нацыянальная культура ва ўмовах глабалізацыі: захаванне і развіццё (тэарэтыка-культуралагічны аспект)». У 2013 годзе Прэзідыум Вышэйшай атэстацыйнай камісіі Рэспублікі Беларусь прысвоіў яму навуковае званне дацэнта.
З 2007 года працуе ў Рэспубліканскім інстытуце вышэйшай школы. З'яўляўся старэйшым выкладчыкам і дацэнтам кафедры моладзевай палітыкі. У цяперашні час займае пасаду прафесара кафедры моладзевай палітыкі і сацыякультурных камунікацый Рэспубліканскага інстытута вышэйшай школы.
Намеснік старшыні праўлення грамадскага аб'яднання спецыялістаў па рабоце з моладдзю. Член рэдакцыйнай калегіі зборніка навуковых прац «Сучасная моладзь і грамадства».
Навуковая дзейнасць правіць
Асноўныя навуковыя даследаванні прысвечаны пытанням тэорыі і практыкі рэалізацыі маладзёжнай палітыкі, сацыякультурнай творчасці моладзі, пытанням працы з моладдзю, міжнароднага маладзёжнага супрацоўніцтва, якасці жыцця беларускай моладзі, прафесійнай культуры спецыяліста па працы з моладдзю, творчай самарэалізацыі моладзі і інавацыйнага праектавання, фінансавай граматнасці моладзі, праблемам самабытнага развіцця беларускай нацыянальнай культуры.
Спасылкі правіць
- База дадзеных «Вучоныя Беларусі»
- Біяграфія на сайце РІВШ Архівавана 28 кастрычніка 2021.
- Салікаў Андрэй Эдуардавіч, кандыдат культуралогіі на сайце анлайн-энцыклапедыі «Беларусь у асобах і падзеях»