Арпа

Арпа
Краіна	Беларусь
Вобласць	Мінская
Раён	Вілейскі
Сельсавет	Крывасельскі
Каардынаты	54°33′38″ пн. ш. 27°10′42″ у. д.HGЯO
Насельніцтва	▼22 чал. (2019);
Часавы пояс	UTC+3
Тэлефонны код	+375 1771
Паштовыя індэксы	222429
Аўтамабільны код	5
СААТА	6213860002
	Арпа на Вікісховішчы

Арпа́^[1] (трансліт.: Arpa, руск.: Арпа) — вёска ў Беларусі, у Вілейскім раёне Мінскай вобласці. Уваходзіць у склад Крывасельскага сельсавета.

Геаграфія

Знаходзіцца за 29 км на паўночны ўсход ад горада Вілейкі, за 16 км ад чыгуначнай станцыі Княгінін на лініі Маладзечна — Полацк, за 129 км ад Мінска.

Гісторыя

У пісьмовых крыніцах вядома з XVII стагоддзя. У 1629 годзе маёнтак у Ашмянскім павеце Віленскага ваяводства Вялікага Княства Літоўскага, уладанне зямянкі ашмянскай Сафіі Сіроцінай. У 1690 годзе маёнткі: Арпа Рыпніца — С. Альшэўскага, Арпа Хведароўшчына — С. Рымінскага, Арпа Федароўшчына — С. Сіраты, Арпа Лоткі — У. Валадковіча.

Пасля другога падзелу Рэчы Паспалітай (1793) у Расійскай імперыі. У 1800 годзе вёска ў Вілейскім павеце Мінскай губерні, сумесная уласнасць Р. Слізня (9 двароў, 62 жыхары, 6 яўрэяў-мяшчан), А. Ходзькі (2 двары, 23 жыхары), Л. Багдановіч (1 двор, 4 жыхары) і ваколічнай шляхты (2 двары, 7 жыхароў). У 1897 годзе вёска Орпа ў Княгінінскай воласці Вілейскага павета Віленскай губерні.

З 1921 года ў складзе Польшчы, вёска ў Касцяневіцкай гміне Вілейскага павета Віленскага ваяводства.

З лістапада 1939 года ў складзе БССР, з 4 снежня 1939 года ў Вілейскім павеце Вілейскай вобласці, з 15 стувдзеня 1940 года ў Куранецкім раёне, з 12 кастрычніка 1940 года ў Касцяневіцкім сельсавеце. У Вялікую Айчыннную вайну з 25 чэрвеня 1941 года да 3 ліпеня 1944 года акупіравана нацыстамі. На фронце загінулі 5 жыхароў. З 20 верасня 1944 года ў Куранецкім, з 5 ліпеня 1946 года ў Вілейскім раёнах Маладзечанскай вобласці. 6 студзеня 1950 года створаны калгас «Сталінская канстытуцыя». З 20 студзеня 1960 года ў Мінскай вобласці.

З 1991 года ў незалежнай Беларусі. 28 мая 2013 года вёска перададзена з Касцяневіцкага сельсавета ў склад Крывасельскага сельсавета^[2].

Насельніцтва

1897 год — 144 жыхары, 21 двор.
1908 год — 195 жыхароў.
1921 год — 229 жыхароў, 42 двары^[3].
1931 год — 242 жыхары, 44 двары^[4].
1988 год — 78 жыхароў, 35 двароў.
2008 год — 43 жыхары, 22 гаспадаркі.

Славутасці

Сядзіба Багдановічаў, 1916—1917

Археалагічны помнік — гарадзішча культуры штрыхаванай керамікі, знаходзіцца за 1,2 км на паўднёвы ўсход ад вёскі.
Сядзіба Багдановічаў, існавала да пач. ХХ ст., захаваліся рэшткі гаспадарчай пабудовы^[5].

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)
↑ Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 84.
↑ Wykaz miejscowości Rzeczypospolitej Polskiej, Warszawa 1938, wolumin — 1, s. 60
↑ Маёнтак-прывід Арпа

Літаратура

Гарады і вёскі Беларусі: Энцыклапедыя. Т. 8: Мінская вобласць, кн. 1 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2010. — 736 с.: іл. — 2 000 экз. — ISBN 978-985-11-0520-1.
Orpa, wieś, powiat wilejski, gmina Rabuń // Słownik geograficzny Królestwa Polskiego i innych krajów słowiańskich. Tom VII: Netrebka — Perepiat (польск.). — Warszawa, 1886. — S. 597.

Спасылкі

На Вікісховішчы ёсць медыяфайлы па тэме Арпа

[1] Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

[2] «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)

[skorowidz2-3] Skorowidz miejscowości Rzeczypospolitej Polskiej — Tom VII — Część II — Ziemia Wileńska — Powiaty: Brasław, Duniłowicze, Brasław i Wilejka, Główny Urząd Statystyczny Rzeczypospolitej Polskiej, Warszawa 1923, s 84.

[4] Wykaz miejscowości Rzeczypospolitej Polskiej, Warszawa 1938, wolumin — 1, s. 60

[5] Маёнтак-прывід Арпа

[1]

[2]

[3]

[4]

[5]