Арцём Уладзіміравіч Мілеўскі

Арцём Мілеўскі
Арцём Мілеўскі
Агульная інфармацыя
Поўнае імя	Арцём Уладзіміравіч Мілеўскі
Нарадзіўся	12 студзеня 1985[…] (39 гадоў); Мінск, БССР, СССР;
Грамадзянства	Украіна; Беларусь
Рост	189 см
Вага	83 кг
Пазіцыя	нападнік
Інфармацыя пра клуб
Клуб	завяршыў кар’еру
Маладзёжныя клубы
1998—2000	Змена (Мінск)
2000—2001	Абухаў
Клубная кар’ера
Нацыянальная зборная
Узнагароды і медалі
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 13 верасня 2021. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 2014 ;
	Медыяфайлы на Вікісховішчы

Арцём Мілеўскі (укр.: Артем Мілевський; нар. 12 студзеня 1985, Мінск) — украінскі футбаліст беларускага паходжання, нападнік. Ігрок нацыянальнай зборнай Украіны (2006—2012).

Сястра — Ксенія Уладзіміраўна Мілеўская.

Клубная кар’ера

Пачынаў кар’еру ў Беларусі, з сямі гадоў трэніраваўся ў мінскай школе «Змена».

У 2000 года ва ўзросце 15 гадоў пераехаў ва Украіну і паступіў у футбольную акадэмію трэнера Паўла Якавенкі. У 2001—2002 гадах за другую каманду «Барысфена», а пасля трапіў у сістэму кіеўскага «Дынама». Спачатку выступаў за другую каманду, з 2005 года замацаваўся ў першай камандзе «Дынама».

У лістападзе 2012 года галоўны трэнер «Дынама» Алег Блахін перавёў Мілеўскага ў дубліруючы склад. Цікавасць да іграка сталі праяўляць розныя клубы. У верасні 2013 года па заканчэнні кантракта пакінуў «Дынама» і стаў іграком турэцкага «Газіянтэпспора», аднак ужо 31 снежня таго ж года разарваў пагадненне з турэцкім клубам з-за нявыплаты заробку.

У лютым 2014 года на правах свабоднага агента стаў іграком казахстанскага клуба «Актабэ», аднак не здолеў паспяхова прайсці медыцынскі агляд, і пераход быў скасаваны. У ліпені 2014 года стаў іграком харвацкага «Хайдука». У сезоне 2014 правёў за клуб 27 матчаў (21 у чэмпіянаце Харватыі, 5 у Кубку і 1 Лізе Еўропы), забіў 3 галы (усе ў чэмпіянаце). У верасні 2015 года датэрмінова разарваў кантракт з «Хайдукам»^[3]. Неўзабаве, у кастрычніку стаў іграком клуба «Спліт», які ўзначальваў былы ігрок кіеўскага «Дынама» Горан Сабліч^[4], але ўжо праз месяц вымушаны быў яго пакінуць^[5]^[6].

У канцы 2015 — пачатку 2016 гадоў знаходзіўся ў Беларусі, дзе цікавасць да Арцёма праяўлялі мінскае «Дынама» і барысаўскі БАТЭ. У лютым 2016 года нападнік падпісаў кантракт з румынскай «Канкордыяй»^[7]. З паўгады ў «Канкордыі» забіў 5 галоў у чэмпіянаце Румыніі.

1 верасня 2016 года стаў іграком расійскага клуба «Тосна»^[8]. Па выніках сезона 2016/17 дапамог «Тосна» выйсці ў Прэм’ер-лігу. У ліпені 2017 года разарваў кантракт з расійскім клубам і неўзабаве вярнуўся ў Беларусь, падпісаўшы кантракт з брэсцкім «Дынама»^[9]. У складзе брэстчан стаў асноўным нападнікам, у другой палове сезона 2017 правёў за клуб 18 матчаў (15 у чэмпіянаце, 1 у Кубку і 2 у Лізе Еўропы) і забіў 5 галоў (усе ў чэмпіянаце). У ліпені 2018 года па пагадненні бакоў пакінуў брэсцкі клуб^[10].

У жніўні 2018 года перайшоў у венгерскі клуб «Кішварда»^[11]. У студзені 2019 года вярнуўся ў брэсцкае «Дынама», падпісаўшы двухгадовы кантракт^[12]. У сезоне 2019 у якасці трывалага іграка асновы дапамог дынамаўцам стаць чэмпіёнамі Беларусі. Заставаўся іграком асновы ў 2020 годзе, толькі ў канцы сезона стаў часцей выхадзіць на замену.

У снежні 2020 года перайшоў у «Мынай»^[13], гуляў за гэты клуб да канца сезона 2020/21. У верасні 2021 года абвясціў аб завяршэнні кар’еры^[14].

Міжнародная кар’ера

Выступаў за юнацкую зборную Беларусі, апошні матч у яе складзе правёў 28 верасня 2000 года.

Пасля перезду ва Украіну выказаў жаданне выступаць за яе зборную, але Беларуская федэрацыя футбола не жадала саступаць Федэрацыі футбола Украіны перспектыўнага іграка. Пачаўся скандал, у які ўмяшаўся прэзідэнт ФІФА Ёзэф Блатэр. У выніку была дасягнута дамоўленасць, і беларускі бок адмовіўся ад Мілеўскага, які на той час ужо атрымаў грамадзянства Украіны.

Не згуляўшы ніводнага матча за нацыянальную зборную, быў заяўлены на фінальную частку чэмпіянату свету 2006 у Германіі. Там і дэбютаваў у зборнай, выйшаўшы ў матчы супраць Саудаўскай Аравіі на замену на 86-й хвіліне замест Андрэя Шаўчэнкі. У матчы 1/8 фіналу супраць Швейцарыі ў серыі пасляматчавых пенальці выканаў удар у «стылі Паненкі», які стаў галявым. Усяго правёў 4 матчы на чэмпіянаце свету.

Пазней гуляў за зборную ў адборачных цыклах да чэмпіянату Еўропы 2008 і чэмпіянату свету 2010, у апошнім быў іграком асноўнай абоймы. Прымаў удзел у хатнім для Украіны чэмпіянату Еўропы 2012, дзе правёў усе 3 матчы.

Дасягненні

01 Чэмпіён Украіны (3): 2003/04, 2006/07, 2008/09
02 Срэбраны прызёр чэмпіянату Украіны (6): 2004/05, 2005/06, 2007/08, 2009/10, 2010/11, 2011/12
Уладальнік Кубка Украіны (4): 2002/03, 2004/05, 2005/06, 2006/07
Уладальнік Суперкубка Украіны (3): 2006, 2009, 2011
Найлепшы бамбардзір украінскай Прэм’ер-лігі: 2009/10
Футбаліст года Украіны: 2009
01 Чэмпіён Беларусі: 2019
Уладальнік Кубка Беларусі: 2018
Уладальнік Суперкубка Беларусі (3): 2018, 2019, 2020
У спісе 22 найлепшых ігракоў чэмпіянату Беларусі (2): 2017, 2019
Срэбраны прызёр моладзевага чэмпіянату Еўропы: 2006

Зноскі

Спасылкі

[club-3] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 13 верасня 2021.

[national-4] Колькасць гульняў і галоў за нацыянальную зборную ў афіцыйных матчах, адкарэктавана станам на 2014

[_f33d9185a9be4ce7-1] Artem Milevsky // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[_f2c05b53617f2c3a-2] ARTEM MILEVSKYI // Argentine Soccer Database
<a href="https://wikidata.org/wiki/Track:Q19368470"></a>

[5] «Хайдук» объявил о расторжении контракта с Артемом Милевским

[6] Артем Милевский подписал контракт со «Сплитом»

[7] Милевский покинет «Сплит» по семейным обстоятельствам

[8] Милевский был задержан полицией за вождение в пьяном виде, «Сплит» расторг контракт с футболистом

[9] Румынская «Конкордия» объявила о подписании контракта с Артемом Милевским

[10] Милевский перешел в «Тосно»

[11] Артем Милевский стал игроком брестского "Динамо"

[12] Брестское "Динамо" объявило о расторжении контрактов с Милевским и Гавриловичем

[13] Артем Милевский стал игроком венгерской "Кишварды"

[14] Артем Милевский подписал 2-летний контракт с брестским "Динамо"

[15] Артем Милевский продолжит карьеру в "Минае"

[16] «Сказал себе: «Наверное, хватит». Артем Милевский объявил о завершении карьеры

[1]

[2]

[* 1]

[* 2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]