Арэст Адамавіч Кіпрэнскі

Арэст Адамавіч Кіпрэнскі (13 (24) сакавіка 1782 — 5 (17) кастрычніка 1836) — рускі мастак, графік і жывапісец, майстар партрэта.

Арэст Адамавіч Кіпрэнскі
руск.: Орест Кипренский
Аўтапартрэт, 1828
Дата нараджэння	13 (24) сакавіка 1782(1782-03-24)
Месца нараджэння	мыза Нежынская Санкт-Пецярбургская губерня цяпер Ленінградская вобласць
Дата смерці	5 (17) кастрычніка 1836(1836-10-17) (54 гады)
Месца смерці	Рым
Месца пахавання	Рым
Грамадзянства	Расійская імперыя
Род дзейнасці	мастак
Жанр	партрэт
Вучоба	Імператарская Акадэмія мастацтваў (1803)
Мастацкі кірунак	рамантызм
Працы на Вікісховішчы

Біяграфія

Арэст Кіпрэнскі, пазашлюбны сын памешчыка А. С. Дзьяканава, нарадзіўся 13 (24) сакавіка 1782 на мызе Няжынскай (в. Нежнава, дзе ўстаноўлена мемарыяльная дошка, а ў 2012 годзе плануецца ўстаноўка помніка) (паблізу Капор'я, на тэрыторыі цяперашняй Ленінградскай вобласці). Па дакументах быў запісаны ў сям'ю прыгоннага Адама Швальбэ.

Атрымаўшы вольную, ў 1788 годзе быў залічаны ў выхаваўчае вучылішча пры пецярбургскай Акадэміі мастацтваў пад прозвішчам Кіпрэнскі. Вучыўся ў акадэміі да 1803 года. Жыў у Маскве (1809 год), Цверы (1811 год), Пецярбургу (1812 год), а ў 1816—1822 і ад 1828 года — у Рыме і Неапалі.

У ліпені 1836 Кіпрэнскі ажаніўся з Аннай-Марыяй Фалькучы, для чаго яму папярэдне давялося прыняць каталіцтва.

Мастак памёр у Рыме 17 кастрычніка 1836 года ад запалення лёгкіх і быў пахаваны там жа ў царкве Сант-Андрэа-дэле-Фратэ.

Літаратура

• БЭ ў 18 тамах., Т.8. Мн., 1999, С.275

Спасылкі

• Кіпрэнскі Арэст Адамавіч. Біяграфія і творчасць мастака на Artonline.ru (руск.) 
• Арэст Адамавіч Кіпрэнскі у бібліятэцы «Старацель»
• Партрэт садоўніка (руск.) 
• Партрэт Давыдава (руск.) 
• Настаўнік Кіпрэнскага — Элізар Шэнау (руск.) 
• Галерэя карцін Арэста Кіпрэнскага, біяграфія і аналіз аўтапартрэтаў (руск.)