Асобае партызанскае злучэнне «Трынаццаць»

Асобае партызанскае злучэнне «Трынаццаць» дзейнічала на акупіраванай тэрыторыі Бялыніцкага, Бярэзінскага, Шклоўскага, Крупскага раёнаў Магілёўскай вобласці Беларускай ССР.

Асобае партызанскае злучэнне «Трынаццаць»
Краіна	СССР
Падпарадкаванне	БШПР
Тып	Партызанскае злучэнне (СССР, 1941-1944) і воінскае фарміраванне
Удзел у	Вялікая Айчынная вайна
Вядомыя камандзіры	Сяргей Уладзіміравіч Грышын

Дзейнасць

Створана 1 чэрвеня 1944 года паводле ўказання Беларускага штаба партызанскага руху на базе партызанскага палка «Трынаццаць».

29—30 чэрвеня 1944 года злучэнне ў складзе 1-й, 3-й, 5-й партызанскіх брыгад, 11-га, 12-га, 13-га асобных партызанскіх атрадаў злучылася з Рабоча-сялянскай Чырвонай Арміяй.

Камандзіры

• С. У. Грышын
• С. В. Пахомаў (в.а.)

Камісары

• І. А. Стралкоў

Начальнікі штаба

• С. П. Скварцоў.

Памяць

У 1976 годзе ў в. Эсьмоны ў гонар злучэння ўстаноўлена мемарыяльная дошка.

Літаратура

• «Трынаццаць» // Беларусь у Вялікай Айчыннай вайне, 1941—1945: Энцыклапедыя / Беларуская савецкая энцыклапедыя; Рэдкал.: І. П. Шамякін (гал. рэд.) і інш. — Мінск: БелСЭ, 1990. — 680 с., 4 л.карт.: іл. — С. 593.