Атар Міхайлавіч Дадышкіліяні
Атар Міхайлавіч Дадышкілія́ні (руск.: Отар Михайлович Дадишкилиани; нар. 21 жніўня 1923, Новачаркаск, Расія) — расійскі і беларускі балетмайстар, оперны рэжысёр. Заслужаны артыст РСФСР (1961), Заслужаны дзеяч мастацтваў Беларускай ССР (1970).
| Атар Міхайлавіч Дадышкіліяні | |
|---|---|
| Дата нараджэння | 21 жніўня 1923 (101 год) |
| Месца нараджэння | |
| Жонка | Клара Мікалаеўна Малышава |
| Дзеці | Натэла Атараўна Дадышкіліяні |
| Адукацыя | |
| Прафесія | балетмайстар, оперны рэжысёр |
| Тэатр | |
| Узнагароды |
  |
Біяграфія
правіцьСкончыў у 1955 годзе Дзяржаўны інстытут тэатральнага мастацтва ў Маскве. У 1955—1965 гадах і з 1976 года балетмайстар у тэатрах оперы і балета Расіі. З 1965 года галоўны балетмайстар, з 1972 года галоўны рэжысёр Дзяржаўнага тэатра оперы і балета Беларусі.
Творчасць
правіцьДадышкіліяні-балетмайстру ўласцівы сцвярджэнне рэалістычнай танцавальнай вобразнасці, пошукі ў галіне сцэнічнай формы. Першы пастаноўшчык на беларускай сцэне балетаў «Альпійская балада» (1967), «Выбранніца» (1969) і «Тыль Уленшпігель» (1974) Я. Глебава, «Пасля балю» Г. Вагнера (1971). Сярод іншых пастановак: балеты «Спартак» А. Хачатурана (1964), «Пер Гюнт» на музыку Э. Грыга (1966), «Рамэа і Джульета» С. Пракоф’ева (1968), оперы «Хаваншчына» М. Мусаргскага (1970), «Пікавая дама» (1972) і «Іаланта» (1975) П. Чайкоўскага, «Дон Жуан» В. А. Моцарта (1973), «Русалка» А. Даргамыжскага (1974).
Сям’я
правіцьУ шлюбе з балерынай Кларай Малышавай мае двух дзяцей:[1]
- дачка — Натэла Дадышкіліяні (нар. 1960), артыстка балета, заслужаная артыстка Беларусі;
- сын — Дзяніс Дадышкіліяні (нар. 1973)[2], артыст балета.
Зноскі
- ↑ Клара Малышава аб балеце, выхаванках і тым, што прымушае хадзіць на работу
- ↑ ДАДИШКИЛИАНИ ДЕНИС ОТАРОВИЧ на сайце Кино-Театр. РУ
Літаратура
правіць- А. І. Калядэнка. Дадышкіліяні Атар Міхайлавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.
Спасылкі
правіць- Атар Міхайлавіч Дадышкіліяні на сайце анлайн-энцыклапедыі «Беларусь у асобах і падзеях»