Афанасій Яфімавіч Кудравіцкі

Афанасій Яфімавіч Кудравіцкі (27 лютага 1906, г. Горкі, Магілёўская вобласць) — беларускі архітэктар.

Афанасій Яфімавіч Кудравіцкі
Дата нараджэння	27 лютага 1906(1906-02-27) (118 гадоў)
Месца нараджэння	Горкі, Горацкі павет, Магілёўская губерня, Расійская імперыя
Альма-матар	Харкаўская нацыянальная акадэмія гарадской гаспадаркі (1937)
Месца працы	Белдзяржпраект Камітэт архітэктуры і горадабудаўніцтва Мінгарвыканкама[d] Дзіпрасельбуд Адміністрацыя Фрунзенскага раёна г. Мінска ІБіА Дзяржбуда БССР БелНДІПгорадабудаўніцтва
Навуковая ступень	кандыдат архітэктуры (1961)
Член у	Саюз архітэктараў СССР Беларускі саюз архітэктараў

Біяграфія

Скончыў Харкаўскі інстытут інжынераў камунальнага будаўніцтва ў 1937 годзе. Член Саюза архітэктараў СССР з 1938 года. Удзельнік Вялікай Айчыннай вайны.

Працаваў у Белдзяржпраекце, Упраўленні па справах архітэктуры і будаўніцтва Мінгарвыканкама, Белсельпраекце, архітэктарам Фрунзенскага раёна Мінска, з 1963 па 1974 гады — старшым навуковым супрацоўнікам у ІБіА Дзяржбуда БССР, БелНДІПгорадабудаўніцтва.

Пражываў у Мінску.

Творчасць

Асноўныя працы: генпланы Мазыра, Калінкавічаў (1938—1939), Баранавічаў (1947), праекты планіроўкі і забудовы мікрараёнаў па вул. Арлоўскай (1956, у аўтарскім калектыве), Харкаўскай (1958), Апанскага (1959) у Мінску, тыпавы праект будынка РК КПБ (1938—1956).

Мае публікацыі, у т.л. глава «Добраўпарадкаванне гарадскіх тэрыторый» у кнізе «Новыя гарады Беларусі» (Мінск, 1966), «Даведнік па добраўпарадкаванні і азеляненні населеных месцаў» (Мінск, 1967, у аўтарскім калектыве), «Горадабудаўнічая эфектыўнасць і бяспека руху» (Мінск, 1969, з Г. Н. Кудрашовым), «Даследаванне заканамернасцей інтэнсіўнасці руху на магістралях некаторых гарадоў Беларусі» (Мінск, 1968, у аўтарскім калектыве).

Узнагароды

Узнагароджаны Граматай Прэзідыума Вярхоўнага Савета БССР (1948).

Літаратура

• Кудрявицкий Афанасий Ефимович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)