Аляксандр Вульфавіч Тылевіч

Аляксандр Вульфавіч Тылевіч (12 верасня 1947, Мінск — 3 мая 2022) — беларускі архітэктар.

Аляксандр Вульфавіч Тылевіч
Дата нараджэння	12 верасня 1947(1947-09-12)
Месца нараджэння	Мінск, БССР, СССР
Дата смерці	3 мая 2022(2022-05-03) (74 гады)
Альма-матар	Мінскі будаўнічы тэхнікум (1965) БПІ (1971)
Месца працы	Мінскпраект Мінскі мастацка-вытворчы камбінат[d]
Член у	Саюз архітэктараў СССР Беларускі саюз архітэктараў

Біяграфія

Скончыў у 1965 годзе Мінскі архітэктурна-будаўнічы тэхнікум, у 1971 годзе Беларускі політэхнічны інстытут. З 1971 года — архітэктар, кіраўнік групы архітэктараў у Мінскпраекце, з 1984 года — мастак у Мінскім мастацка-вытворчым камбінаце.

Член Саюза архітэктараў СССР з 1976 года. Пражываў у Мінску.

Творчасць

Асноўныя працы (у аўтарскім калектыве): ПДП цэнтра Мінска (1971—1974), падземныя пераходы па праспекце Машэрава (1974), «Белая дача» па вуліцы Казінца (1976), будынак гаркама КПБ (1979), станцыя метрапалітэна «Плошча Леніна» (1984), НВА «Цэнтр» (1987) у Мінску, архітэктурна-мастацкае афармленне інтэр’ераў Дома творчасці пісьменнікаў «Іслач» (1987).

Літаратура

• Тылевич Александр Вульфович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)