Борыс Джонсан

Аляксандр Борыс дэ Пфэффэль-Джонсан, больш вядомы як Бо́рыс Джо́нсан (англ.: Boris Johnson; нар. 19 чэрвеня 1964) — брытанскі палітык, Прэм'ер-міністр Злучанага Каралеўства і лідар Кансерватыўнай партыі з 2019 да 2022 года. Міністр замежных спраў з 2016 па 2018, мэр Лондана з 2008 па 2016. Член палаты абшчын ад Хенлі з 2001 па 2008 і ад Уксбрыджа і Паўднёвага Рэйслыпа з 2015 года.

Борыс Джонсан
брыт. англ.: Boris Johnson
2-і мэр Лондана[d] 4 мая 2008 — 7 мая 2016
Папярэднік	Ken Livingstone[d]
Пераемнік	Садзік Хан
Міністр замежных спраў Вялікабрытаніі 13 ліпеня 2016 — 9 ліпеня 2018
Папярэднік	Філіп Геманд
Пераемнік	Jeremy Hunt[d]
член Тайнага савета Вялікабрытаніі[d] з 2016
дэпутат 57-га парламента Вялікабрытаніі[d] 8 чэрвеня 2017 — 6 лістапада 2019
дэпутат 56-га парламента Вялікабрытаніі[d] 7 мая 2015 — 3 мая 2017
дэпутат 54-га парламента Вялікабрытаніі[d] 5 мая 2005 — 4 чэрвеня 2008
дэпутат 53-га парламента Вялікабрытаніі[d] 7 чэрвеня 2001 — 11 красавіка 2005
77-ы прэм’ер-міністр Вялікабрытаніі 24 ліпеня 2019 — 6 верасня 2022
Папярэднік	Тэрэза Мэй
Пераемнік	Элізабет Трас
лідар Кансерватыўнай партыі[d] 23 ліпеня 2019 — 5 верасня 2022
Папярэднік	Тэрэза Мэй
Пераемнік	Элізабет Трас
Дэпутат 58-га парламента Вялікабрытаніі[d] з 12 снежня 2019
Першы лорд Казначэйства Вялікабрытаніі[d] 25 ліпеня 2019 — 6 верасня 2022
Папярэднік	Тэрэза Мэй
Пераемнік	Элізабет Трас
міністр цывільнай службы Вялікабрытаніі[d] 24 ліпеня 2019 — 6 верасня 2022
Папярэднік	Тэрэза Мэй
Пераемнік	Элізабет Трас
Міністр па справах Садружнасці[d] 26 ліпеня 2019 — 6 верасня 2022
Пераемнік	Элізабет Трас
Нараджэнне	19 чэрвеня 1964(1964-06-19)[…] (58 гадоў) Нью-Ёрк, Нью-Ёрк, ЗША
Імя пры нараджэнні	брыт. англ.: Alexander Boris de Pfeffel Johnson
Бацька	Стэнлі Джонсан[d]
Маці	Шарлота Джонсан Валь[d]
Жонка	Марына Уілер[d], Allegra Mostyn-Owen[d] і Carrie Johnson[d]
Дзеці	Milo Arthur Johnson[d], Cassia Peaches Johnson[d], Theodore Apollo Johnson[d], Lara Lettice Johnson[d], Wilfred Johnson[d] і Romy Iris Charlotte Johnson[d]
Веравызнанне	англіканства
Партыя	Кансерватыўная партыя
Член у	Bullingdon Club[d] Beefsteak Club[d]
Адукацыя	Ітанскі каледж Бэйліял-каледж (1986)
Навуковая ступень	бакалаўр мастацтваў[d]
Дзейнасць	журналіст, палітык
Аўтограф
Узнагароды	Ігнобелеўская прэмія (верасень 2020) Walk of the Brave plaque[d] (9 красавіка 2022)
Сайт	gov.uk/government…​ (англ.)
Медыяфайлы на Вікісховішчы

Паходжанне

Нарадзіўся ў Нью-Ёрку і адразу ж атрымаў два грамадзянствы — брытанскае і амерыканскае. Па мацярынскай лініі з’яўляецца нашчадкам Георга II Гановерскага, караля Вялікабрытаніі і Ірландыі, курфюрста Гановера і герцага Браўншвейг-Люнебургскага. Прадзед па лініі бацькі быў газетны выдавец і паэт Алі Кемаль Бей, які ў 1919 годзе займаў пасаду міністра ўнутраных спраў Асманскай імперыі.

Палітычная кар’ера

Член Кансерватыўнай партыі.

Борыс Джонсан, які атрымаў выдатную адукацыю ў Вялікабрытаніі, пачынаў у журналістыцы. Ён працаваў карэспандэнтам Dаіlу Tеlеgrарh у Бруселі і набыў вядомасць, дзякуючы яркаму стылю і рэзкім еўраскептычным артыкулам.

У 2001 годзе абіраецца ў Палату абшчын ад Кансерватыўнай партыі па акрузе Хенлі. У сярэдзіне 2000-х становіцца вядома аб тым, што ён хлусіў пра пазашлюбную сувязь, знаходзячыся ў шлюбе з Кэтрын Уілер і быўшы бацькам чацвярых дзяцей, гэта каштуе яму месца ў «ценявым кабінеце», але не азначае канца палітычнай кар'еры.

Мэр Лондана (2008—2016). Арганізаваў у тым ліку Летнія Алімпійскія гульні 2012.

У 2015 годзе абраны ў парламент. Стаўш тварам выбарчай кампаніі Тэрэзы Мэй і ўзначаліў знешнепалітычнае ведамства.

Міністр замежных спраў Вялікабрытаніі (2016—2018). Борыс Джонсан пакінуў пасаду кіраўніка МЗС на фоне прыняцця плана «мяккага брэксіту», які прадугледжвае захаванне зоны свабоднага гандлю для тавараў і распрацоўку спрошчанага мытнага парадку з ЕС. Джонсан выступаў за больш жорсткі варыянт выхаду з Еўрасаюза.

З 23 ліпеня 2019 стаў новым лідарам брытанскай Кансерватыўнай партыі, змяніўшы на на гэтай пасадзе Тэрэзу Мэй. У завяршальным галасаванні ён выйграў партыйныя выбары ў свайго канкурэнта, міністра замежных спраў Джэрэмі Ханта. У барацьбе за пасаду кіраўніка партыі першачарговая ўвага надавалася адносінам кандыдатаў да «брэксіту». Джонсан настойвае на выхадзе з ЕС 31 кастрычніка, нават калі Вялікабрытаніі не атрымаецца дамовіцца з Еўрасаюзам аб яго ўмовах.

Борыс Джонсан перасеў у крэсла кіраўніка ўрада ў момант, калі крызіс з выхадам Вялікабрытаніі з ЕС стаў прымаць зацяжны характар. Стаўшы кіраўніком урада, ён тройчы прапаноўваў правесці датэрміновыя выбары, аднак Палата абшчын адмаўляла яму ў гэтым. У выніку адпаведны законапраект быў прапанаваны Ліберальна-дэмакратычнай і Шатландскай нацыянальнай партыямі 28 кастрычніка 2019 года. Ключавым пытаннем цяперашняй выбарчай кампаніі стала праблема «брэксіту». Пазачарговыя парламенцкія выбары ў Вялікабрытаніі 12 снежня завяршыліся перамогай кансерватараў.

Асабістае жыццё

Быў двойчы жанаты. Борыс Джонсан развёўся з другой жонкай у 2018 годзе пасля 25 гадоў шлюбу і сышоўся з нашмат маладзейшай за яго Кары Саймандз. У Джонсана ці то пяць, ці то шэсць дзяцей ад некалькіх жанчын, прычым дзіця ад другой жонкі нарадзілася праз сем тыдняў пасля разводу з першай, а падчас другога шлюбу нарадзілася яшчэ і пазашлюбнае дзіця, а можа быць і двое.