Бранісловас Лубіс

Бранісловас Лубіс (лат.: Bronislovas Lubys; 8 кастрычніка 1938, Плунге — 23 кастрычніка 2011, Друскінінкай) — літоўскі палітычны і дзяржаўны дзеяч, прэм’ер-міністр Літвы ў 1992-1993 гадах.

Бранісловас Лубіс
літ.: Bronislovas Lubys
прэм’ер-міністр Літвы 2 снежня 1992 — 10 сакавіка 1993
Папярэднік	Аляксандрас Абішала
Пераемнік	Адольфас Шляжавічус
Нараджэнне	8 кастрычніка 1938(1938-10-08) Плунге, Літва
Смерць	23 кастрычніка 2011(2011-10-23) (73 гады) Друскінінкай, Друскінінкайскае самакіраванне[d], Літва
Жонка	Lyda Lubienė[d]
Партыя	Дэмакратычная партыя працы Літвы[d]
Адукацыя	Каўнаскі тэхналагічны ўніверсітэт
Дзейнасць	хімік, палітык, выкладчык універсітэта
Месца працы	Каўнаскі тэхналагічны ўніверсітэт
Узнагароды	Ганаровы грамадзянін Ёнаўскага раёна[d]
Медыяфайлы на Вікісховішчы

У 1963 годзе скончыў Каўнаскі політэхнічны інстытут, у 1979 годзе атрымаў у гэтай ВНУ навуковую ступень кандыдата хімічных навук. У 1980-я гады быў выкладчыкам універсітэта. З 1963 года быў прафесійна звязаны з азотнай кампаніяй «Азотас» у Ёнава, быў галоўным інжынерам, а з 1985 года — генеральным дырэктарам. У 1990 годзе абраны ў Вярхоўны Савет Літоўскай ССР, пераўтвораны затым у Сейм Літоўскай Рэспублікі. 11 сакавіка таго ж года ён быў у ліку тых, хто падпісаў Акт аб аднаўленні Літоўскай дзяржавы. Працаваў у парламенце да 1992 года.

У 1992 годзе ён быў прызначаны віцэ-прэм'ерам ва ўрадзе Аляксандраса Абішалы. Затым са снежня 1992 года па сакавік 1993 года ён быў прэм'ер-міністрам. Пазней адышоў ад палітычнай дзейнасці. З 1993 года быў прэзідэнтам Літоўскай канфедэрацыі прамыслоўцаў, з 1994 года кіраваў камерцыйнай юрыдычнай кампаніяй.