Будынак Маскоўскага міжнароднага гандлёвага банка (Магілёў)
Будынак Маскоўскага міжнароднага гандлёвага банка — помнік грамадзянскай архітэктуры пачатку XX ст. у Магілёве па вул. Ленінская, 50. Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэгіянальнага значэння.
| Грамадзянскі будынак | |
| Будынак Маскоўскага міжнароднага гандлёвага банка | |
|---|---|
 | |
| 53°54′15″ пн. ш. 30°20′32″ у. д.HGЯO | |
| Краіна |
 Беларусь |
| Горад | Магілёў |
| Архітэктурны стыль | эклектыка |
| Архітэктар | Пётр Георгіевіч Камбураў |
| Будаўніцтва | 1904—1906 гады |
| Статус |
 Гісторыка-культурная каштоўнасць Беларусі, шыфр 513Г000028 |
 |
|
 Медыяфайлы на Вікісховішчы | |
Гісторыя
правіцьБудынак пабудаваны ў 1904—06 гг. архітэктарам Пятром Георгіевічам Камбуравым у эклектычным стылі як аддзяленне Маскоўскага міжнароднага гандлёвага банка.
Архітэктура
правіцьБудынак уяўляе сабой мураваны сіметрычны двухпавярховы прамавугольны ў плане будынак. Галоўны фасад вылучаны рызалітам з высокімі арачнымі вокнамі на другім паверсе і пілястрамі карынфскага ордара паміж імі. Першы паверх руставаны, з прамавугольнымі вокнамі. Сцены рызаліта завяршае дэкарыраваны атык. Галоўны ўваход, які знаходзіўся ў левай частцы будынка, быў падкрэслены магутным парталам з карынфскім пілястрам і трохвугольным франтонам. Тэрыторыя банка была абкружаная мураванай сценкай (захавалася часткова). У комплекс уваходзілі таксама два жылыя будынкі і гаспадарчыя пабудовы (не захаваліся). Планіроўка традыцыйная для банкаўскіх устаноў. Па восі на другім паверсе размешчаная аперацыйная зала. Абапал калідораў згрупаваны службовыя памяшканні.
Літаратура
правіць- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Спасылкі
правіць
На Вікісховішчы ёсць медыяфайлы па тэме Будынак Маскоўскага міжнароднага гандлёвага банка (Магілёў)- Будынак Маскоўскага міжнароднага гандлёвага банка (Магілёў) на сайце Глобус Беларусі (руск.)
- Будынак Маскоўскага міжнароднага гандлёвага банка (Магілёў) на сайце «Архіварта»
