Будынак Руска-Азіяцкага банка (Гомель)
Будына́к Ру́ска-Азія́цкага ба́нка — помнік грамадзянскай архітэктуры неакласіцызму ў Гомелі. Пабудаваны ў пачатку XX стагоддзя паводле праекта Оскара Мунца. Месціцца на рагу вуліц Савецкай і Ланге.
| даходны дом | |
| Будынак Руска-Азіяцкага банка | |
|---|---|
 | |
| 52°25′37″ пн. ш. 31°00′51″ у. д.HGЯO | |
| Краіна | |
| Месцазнаходжанне | |
| Архітэктурны стыль | неакласіцызм |
| Архітэктар | Оскар Рудольфавіч Мунц |
| Будаўніцтва | 1910—1912 гады |
| Статус |
 Гісторыка-культурная каштоўнасць Беларусі, шыфр 313Г000073 |
 |
|
 Медыяфайлы на Вікісховішчы | |
Гісторыя
правіцьУ 1903 годзе ў Гомелі было адкрытае камісіянерства Паўночнага банка, якое цераз год было пераўтворанае ў аддзяленне. 30 ліпеня 1910 года праз зліванне Паўночнага і Руска-Кітайскага банкаў быў створаны Руска-Азіяцкі банк. У 1910—1912 гадах для Гомельскага аддзялення Руска-Азіяцкага банка на рагу вуліц Румянцаўскай і Барона Нолькена (цяпер — Савецкая і Ланге) быў узведзены будынак паводле праекта пецярбуржскага архітэктара Оскара Мунца[1].
На падставе Дэкрэта УЦВК ад 14 снежня 1917 года Руска-Азіяцкі банк быў нацыяналізаваны. Пасля нацыяналізацыі ў банку ў розныя гады дзейнічалі розныя банкаўскія ўстановы. Захаванне функцыі спрыяла захаванню нязменнасці архітэктурнага аблічча. Цяпер у гэтым будынку месціцца Галоўнае ўпраўленне Нацыянальнага банка Рэспублікі Беларусь па Гомельскай вобласці[2].
Архітэктура
правіцьБылое аддзяленне Руска-Азіяцкага банка ўяўляе сабой двухпавярховы Г-падобны ў плане мураваны будынак. Вуглавая частка скругленая, вылучана цыліндрычнай вежай з купалам[3], якія з’яўляюцца як бы своеасаблівай візітнай карткай банка[4]. Фасады падзелены карнізным поясам на два ярусы, ніжні апрацаваны рустам. На плоскасці сцен — тонкія ліштвы, маскароны, гірлянды[3], пад карнізам быў надпіс «Руска-Азіяцкі банк». На вежы, абапал ад круглага акна алегарычныя выявы бога-заступніка гандлю Меркурыя і жаночай фігуры[4] ў антычным адзенні. Унутраная планіроўка першага паверха анфіладная, другога — калідорная[3].
_10.jpg)
Галерэя
правіць- Гістарычныя выявы
-
1917(?) г. -
1918 г. -
1931(?) г.
.jpg)
.jpg)
.jpg)
Зноскі
- ↑ История создания Гомельского отделения Русско-Азиатского банка(недаступная спасылка). Краязаўчы сайт Гомеля i Гомельшчыны (9 жніўня 2017). Архівавана з першакрыніцы 23 студзеня 2019. Праверана 22 студзеня 2019.
- ↑ Главное управление Национального банка Республики Беларусь по Гомельской области. Нацыянальны банк Рэспублікі Беларусь. Праверана 22 студзеня 2019.
- ↑ а б в Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- ↑ а б К 65-летию со дня смерти архитектора О. Р. Мунца
Літаратура
правіць
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Спасылкі
правіць
На Вікісховішчы ёсць медыяфайлы па тэме Будынак Руска-Азіяцкага банка (Гомель)- Будынак Руска-Азіяцкага банка (Гомель) на сайце Глобус Беларусі (руск.)
- Карціна І. В. Мядзведзева — Гомель у 1958 годзе: 12 карцін Івана Мядзведзева Архівавана 1 лістапада 2020.
- Будынак Руска-Азіяцкага банка (Гомель) на сайце «Архіварта»
