Бутрымаўка

Бутры́маўка (трансліт.: Butrymaŭka, руск.: Бутримовка) — вёска ў Магілёўскім раёне Магілёўскай вобласці. Уваходзіць у склад Буйніцкага сельсавета. Размешчана за 5 км на захад ад Магілёва і чыгуначнай станцыі Галынец на лініі Магілёў — Асіповічы. Рэльеф раўнінны. На захадзе цячэ р. Лахва (прыток р. Дняпро). Транспартныя сувязі па мясцовай дарозе і далей па шашы Магілёў — Мінск.

Вёска Бутрымаўка Краіна Беларусь Вобласць Магілёўская Раён Магілёўскі Сельсавет Буйніцкі Каардынаты 53°53′25″ пн. ш. 30°12′25″ у. д. Насельніцтва ▲14 чал. (2009) Часавы пояс UTC+3 Тэлефонны код +375 222 Паштовыя індэксы 213134 Аўтамабільны код 6 СААТА 7244860016 Бутрымаўка на карце Беларусі ±

Гісторыя

Вёска заснавана ў пачатку 1920-х гадоў перасяленцамі з суседніх вёсак. У сакавіку 1924 года ў выніку першага ўзбуйнення БССР увайшла ў склад Беларусі, з 17 ліпеня 1924 года ў Магілёўскім раёне Магілёўскай акругі (да 26 ліпеня 1930), з 20 лютага 1938 года ў Магілёўскай вобласці. У 1930-я гады вяскоўцы ўступілі ў калгас.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі.

У 1990 годзе у складзе калгаса «Маяк камунізму» (цэнтр — в. Цішоўка).

Планіроўка

Традыцыйныя драўляныя сялянскія сядзібы з гаспадарчымі пабудовамі пастаўлены ўздоўж кароткай просталінейнай вуліцы, арыентаванай з паўднёвага захаду на паўночны ўсход.

Насельніцтва

• XX стагоддзе:
  • 1990 — 4 гаспадаркі, 9 жыхароў.
• XXI стагоддзе:
  • 2007 — 6 гаспадарак, 13 жыхароў.

Літаратура

• Бутрымаўка // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх