Бялыніцкая ваенна-аператыўная група
Бялыніцкая ваенна-аператыўная група; Бялыніцкая ВАГ; Ваенна-аператыўная група пры Бялыніцкім падпольным райкоме КП(б)Б — партызанскае злучэнне на акупаванай тэрыторыі Бялыніцкага і Шклоўскага раёнаў; таксама назва органа кіраўніцтва гэтым злучэннем. Уваходзіла ў Магілёўскае партызанскае злучэнне.
| Бялыніцкая ваенна-аператыўная група | |
|---|---|
| Гады існавання | 1943—1944 |
| Краіна | |
| Падпарадкаванне | БШПР |
| Уваходзіць у | Магілёўскае партызанскае злучэнне |
| Тып | воінскае фарміраванне |
| Дыслакацыя | |
| Удзел у | |
Злучэнне было створана ў ліпені 1943 года ў адпаведнасці з пастановай Магілёўскага падпольнага абкома КП(б)Б у складзе 122-га партызанскага атрада «За Радзіму», 600-га партызанскага атрада, 760-га партызанскага атрада імя М. Беразоўскага, перададзеных з расфарміраванай 6-й Магілёўскай партызанскай брыгады. У верасні ў склад злучэння ўвайшоў 35-ы партызанскі атрад. У кастрычніку 1943 года 122-і партызанскі атрад «За Радзіму» быў разгорнуты ў 122-і партызанскі полк «За Радзіму», у студзені 1944 года 600-ы партызанскі атрад — у 600-ы партызанскі полк.
30 чэрвеня 1944 года Бялыніцкая ваенна-аператыўная група (2895 партызан) злучылася з Чырвонай Арміяй.
Камандаванне правіць
Кіраўніцтва правіць
- В. І. Падаляка (сакратар падпольнага РК КП(б)Б, ліпень 1943 — чэрвень 1944).
Камандзіры правіць
- З. П. Гапонаў (ліпень 1943 — красавік 1944);
- Д. І. Фядотаў (май — чэрвень 1944).
Начальнікі штаба правіць
- Д. І. Фядотаў (ліпень 1943 — красавік 1944);
- В. Дз. Швагрынаў (май 1944);
- Г. І. Георгіеўскі (чэрвень 1944).
Літаратура правіць
- П. С. Паўлавец. Бялыніцкая ваенна-аператыўная група // Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.