Бяля́еўка[1] (трансліт.: Bialiajeŭka, руск.: Беляевка) — вёска ў Чачэрскім раёне Гомельскай вобласці. Уваходзіць у склад Залескага сельсавета.

Вёска
Бяляеўка
Краіна
Вобласць
Раён
Сельсавет
Каардынаты
Першае згадванне
Насельніцтва
Часавы пояс
Тэлефонны код
+375 2332
Паштовыя індэксы
247168
Аўтамабільны код
3
Бяляеўка на карце Беларусі ±
Бяляеўка (вёска) (Беларусь)
Бяляеўка (вёска)
Бяляеўка (вёска) (Гомельская вобласць)
Бяляеўка (вёска)

ГеаграфіяПравіць

РазмяшчэннеПравіць

У 9 км на паўночны ўсход ад Чачэрска, 44 км ад чыгуначнай станцыі Буда-Кашалёўская (на лініі Гомель — Жлобін), 75 км ад Гомеля.

На поўдні, захадзе і поўначы мяжуе з Чачэрскім біялагічным заказнікам.

ГідраграфіяПравіць

На ўсходняй ускраіне пачынаецца і праз вёску цячэ рака Бяляеўка (прыток ракі Сож).

Транспартная сеткаПравіць

Побач аўтадарога Палессе - Чачэрск. Планіроўка складаецца з 2 падзеленых ракой і злучаных мостам частак: паўночнай (выгнутая, амаль вуліца з шыротнай арыентацыяй з завулкамі) і паўднёвай (дугападобная, амаль паралельная да першай вуліца, уздоўж ракі). Забудова двухбаковая, драўляная, сядзібнага тыпу.

ГісторыяПравіць

Выяўленыя археолагамі курганны магільнік (28 насыпаў, у 1,5 км на паўночны захад ад вёскі) і стаянка эпохі мезаліту (у 3 км на поўнач ад вёскі) сведчаць пра засяленне гэтых месцаў з даўніх часоў. Паводле пісьмовых крыніц вядомая з XVIII стагоддзя як паселішча ў Рэчыцкім павеце Мінскага ваяводства Вялікага Княства Літоўскага. У 1765 працаваў млын.

Пасля 1-га падзелу Рэчы Паспалітай (1772) у складзе Расійскай імперыі. Згодна рэвізскіх матэрыялаў 1859 ў валоданні графа Чарнышова-Круглікава. У 1871 годзе жыхары захапілі 500 дзесяцін памешчыцкага лесу, пра што граф І. І. Чарнышоў-Круглікаў паведамляў міністру ўнутраных спраў. З 1880 году дзейнічала хлебазапасная крама. Паводле перапісу 1897 года дзейнічалі школа граматы, хлебазапасная крама, кузня, у Пакоцкай воласці Гомельскага павета Магілёўскай губерні. У 1909 годзе 787 дзесяцін зямлі, школа, млын.

У 1926 годзе працавала паштовае аддзяленне. З 8 снежня 1926 года да 1987 цэнтр Бяляеўскага сельсавета Чачэрскага, з 25 снежня 1962 Буда-Кашалёўскага, з 6 студня 1965 Чачэрскага раёнаў Гомельскай (да 26 ліпені 1930) акругі, з 20 лютага 1938 года Гомельскай вобласці. У 1930 годзе арганізаваны калгас «Ленінскі шлях», працавалі гамарня і сталярная майстэрня. Падчас Вялікай Айчыннай вайны акупанты ў красавіку 1943 забілі 18 жыхароў, а 26-27 лістападзе 1943 спалілі 175 двароў і забілі 4 жыхароў. 38 жыхароў былі вывезены ў Германію на прымусовыя работы. 101 жыхар загінуў на фронце. У 1970 году цэнтр саўгаса «Бяляеўскі». Размешчаны 9-гадовая школа, Дом культуры, бібліятэка, фельчарска-акушэрскі пункт, аддзяленне сувязі, крама.

НасельніцтваПравіць

КолькасцьПравіць

  • 2004 - 181 гаспадарка, 404 жыхара.

ДынамікаПравіць

  • 1765 - 24 гаспадаркі.
  • 1897 год - 87 двароў, 664 жыхара (паводле перапісу).
  • 1909 - 99 двароў, 756 жыхароў.
  • 1926 - 172 двара, 951 жыхар.
  • 1940 - 180 двароў.
  • 1959 - 814 жыхароў (паводле перапісу).
  • 1970 - 205 двароў, 801 жыхар.
  • 2004 - 181 гаспадарка, 404 жыхара.

Зноскі

  1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

ЛітаратураПравіць

  • Гарады і вёскі Беларусі: Энцыклапедыя. Т.2, кн.2. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2005. 520с.: іл. Тыраж 4000 экз. ISBN 985-11-0330-6 ISBN 985-11-0302-0

СпасылкіПравіць