Валянціна Іосіфаўна Жураўская

Валянціна Іосіфаўна Жураўская (7 жніўня 1959, Шахцёрск, Данецкая вобласць, УССР) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.

Валянціна Іосіфаўна Жураўская
Дэпутат Палаты прадстаўнікоў Нацыянальнага сходу Рэспублікі Беларусь V склікання 18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч Андрэй Кабякоў
Нараджэнне	7 жніўня 1959(1959-08-07) (65 гадоў) Шахтарск, Данецкая вобласць, УССР, СССР
Адукацыя	БДПУ
Месца працы	Мінскі дзяржаўны прафесійна-тэхнічны каледж лёгкай прамысловасці і комплекснай лагістыкі[d]
Узнагароды	ганаровая грамата Нацыянальнага сходу Рэспублікі Беларусь

Біяграфія

Нарадзілася 7 жніўня 1959 года ў г. Шахцёрску Данецкай вобласці (УССР).

Скончыла Мінскі дзяржаўны педагагічны інстытут імя А. М. Горкага, метадыст па выхаваўчай рабоце, настаўнік этыкі і псіхалогіі сямейнага жыцця.

Працоўную дзейнасць пачала пашыўшчыкам 3-га разраду Мінскай скургалантарэйнай фабрыкі імя В. У. Куйбышава. Працавала кантралёрам аддзела тэхнічнага кантролю гэтай фабрыкі; майстрам вытворчага навучання, інжынерам першай катэгорыі, старшым майстрам, намеснікам дырэктара па навучальна-выхаваўчай рабоце вышэйшага прафесіянальна-тэхнічнага вучылішча лёгкай прамысловасці № 43 г. Мінска; дырэктарам сярэдняй школы № 38 г. Мінска; дырэктарам установы адукацыі «Мінскі дзяржаўны прафесійна-тэхнічны каледж лёгкай прамысловасці».

З'яўлялася дэпутатам Палаты прадстаўнікоў Нацыянальнага сходу Рэспублікі Беларусь чацвёртага склікання.

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.

Узнагароды

Узнагароджана Ганаровай граматай Нацыянальнага сходу Рэспублікі Беларусь, нагрудным знакам «Выдатнік адукацыі».

Мае Падзяку Прэзідэнта Рэспублікі Беларусь.

Асабістае жыццё

Замужам, мае дачку.

Спасылкі

• Дасье на сайце Палаты прадстаўнікоў Нацыянальнага сходу Рэспублікі Беларусь(недаступная спасылка) (бел.)