Гулідаўскае

Гулідаўскае — возера ў Глыбоцкім раёне Віцебскай вобласці Беларусі ў басейне ракі Маргва, за 13 км у напрамку на захад ад горада Глыбокае, прыкладна за 0,6 км на ўсход ад вёскі Гулідава.

Гулідаўскае
Морфаметрыя
Вышыня над узроўнем мора	159,8 м
Даўжыня	0,8 км
Шырыня	0,35 км
Плошча	0,27 км²
Даўжыня берагавой лініі	1,95 км
Басейн
Плошча вадазбору	3,25 км²
Размяшчэнне
Краіна	Беларусь
Рэгіён	Віцебская вобласць
Гулідаўскае
Гулідаўскае

Плошча паверхні возера 0,27 км². Даўжыня 0,8 км, найбольшая шырыня 0,35 км, даўжыня берагавой лініі 1,95 км. Плошча вадазбору 3,25 км².
Катлавіна возера выцягнутая ў напрамку з паўночнага ўсходу на паўднёвы захад. Схілы катлавіны спадзістыя, вышынёй 2—3 м. Берагавая лінія слабазвілістая. Берагі нізкія, пясчаныя. Каля паўночнага і ўсходняга берагоў вузкая забалочаная пойма. Возера значна зарастае. Выцякае ручай у раку Маргва.

У возеры водзяцца шчупак звычайны, лешч, плотка, краснапёрка, гусцяра і іншыя віды рыб.

Літаратура

• Энцыклапедыя прыроды Беларусі. У 5-і т. Т. 2 / Рэдкал.: І. П. Шамякін (гал. рэд.) і інш.. — Мн.: БелСЭ, 1983. — Т. 2. — С. 144. — 522 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 26. — 72 с. — 10 000 экз. — ISBN 978-985-508-136-5. (руск.)
• Республика Беларусь. Витебская область. Глубокский район: карта. Глубокое: план. — Мн.: Белкартография, 2012. — 3 000 экз. (руск.)

Спасылкі

• Иванов-Смоленский В. Г. Все озёра Беларуси. Популярная иллюстрированная энциклопедия. Т. 2. (руск.)