Вольга Аляксандраўна Санфірава

Во́льга Алякса́ндраўна Санфі́рава (2 мая 1917, Самара — 13 снежня 1944) — удзельніца Вялікай Айчыннай вайны. Камандзір эскадрыллі 46-га гвардзейскага Таманскага Чырванасцяжнага ордэна Суворава начнога бамбардзіровачнага авіяцыйнага палка, гвардыі капітан. Герой Савецкага Саюза (23.2.1945, пасмяротна).

Вольга Аляксандраўна Санфірава
татар.: Ольга Санфирова руск.: Ольга Александровна Санфирова
Дата нараджэння	2 мая 1917(1917-05-02)
Месца нараджэння	Самара, Самарская губерня, Расійская імперыя
Дата смерці	13 снежня 1944(1944-12-13) (27 гадоў)
Месца смерці	Гродна, Гродзенская вобласць, БССР, СССР
Месца пахавання	Гродна
Грамадзянства	СССР  Расійская імперыя
Прыналежнасць	СССР
Род войскаў	авіяцыя
Гады службы	1941—1944
Званне	гвардыі Капітан ВПС СССР
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Біяграфія

В. А. Санфірава нарадзілася ў горадзе Самара. У сярэдзіне 1930-х гг. разам з сям’ёй пераехала ва Узбекістан у горад Новы Ургенч. Там скончыла 9 класаў школы. Пазней жыла ў горадзе Каломна (Маскоўская вобласць), працавала на заводзе і адначасова вучылася ў аэраклубе. Працавала ва Упраўленні санітарнай авіяцыі, з 1940 года — лётчыкам-інструктарам вучэбнай эскадрыллі Заходне-Сібірскага Упраўлення Грамадзянскай авіяцыі. Са снежня 1941 г. у Чырвонай Арміі. У 1942 годзе скончыла Батайскую ваенную авіяцыйную школу пілотаў. З мая 1942 г. В. А. Санфірава на фронце. Удзельнічала ў абароне і вызваленні Паўночнага Каўказа, Наварасійска-Таманскай, Кепчынска-Эльтыгенскай, Крымскай і Беларускай аперацый. Здзейсніла 630 начных баявых вылетаў з баявым налётам 875 гадзін.

У ноч на 13 снежня 1944 г. пры вяртання з баявога задання самалёт В. А. Санфіравай быў збіты ў раёне населенага пункта Дамаслаў (Польшча). Экіпаж пакінуў самалёт і прызямліўся на парашутах на міннае поле, дзе В. А. Санфірава загінула. Пахавана ў брацкай магіле ў горадзе Гродна (Беларусь).

Узнагароды

• Медаль «Залатая Зорка»
• Ордэн Леніна
• Ордэн Чырвонага Сцяга
• Ордэн Айчыннай вайны 1-й ступені
• Ордэн Аляксандра Неўскага
• медалі

Памяць

• У гонар В. А. Санфіравай названы вуліцы ў гарадах Самара і Гродна.
• Помнік у Самары.
• Бюст у горадзе Каломна.
• Мемарыяльная дошка на будынку аэраклуба ў Каломне.

Літаратура

• Санфірава Вольга Аляксандраўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 163. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Вольга Аляксандраўна Санфірава на сайце «Героі краіны»
• Санфирова Ольга Александровна // Красные соколы нашей Родины (руск.)
• Ольга Александровна Санфирова // Управление государственной архивной службы Самарской области Архівавана 7 ліпеня 2014. (руск.)
• Памятник лётчице Ольге Санфировой // Проект «Прогулки по Москве» Архівавана 2 кастрычніка 2012. (руск.)