Віктар Якаўлевіч Нягрэй

Віктар Якаўлевіч Нягрэй (нар. 3 ліпеня 1948, в. Міхнавічы, Калінкавіцкі раён, Гомельская вобласць) — беларускі вучоны ў галіне транспарту. Доктар тэхнічных навук (1988), прафесар (1990).

Віктар Якаўлевіч Нягрэй
Дата нараджэння	3 ліпеня 1948(1948-07-03) (75 гадоў)
Месца нараджэння	Міхнавічы, Клінскі сельсавет, Калінкавіцкі раён, Палеская вобласць, БССР, СССР
Месца працы	БелДУТ
Навуковая ступень	доктар тэхнічных навук (1988)
Навуковае званне	прафесар (1990)
Альма-матар	БелІІЧТ (1971)

Біяграфія

Скончыў Беларускі інстытут інжынераў чыгуначнага транспарту ў 1971 годзе. З 1974 года ў Беларускім універсітэце транспарту, з 1997 прарэктар.

Навуковая дзейнасць

Навуковыя працы па прагназаванні транспартных патокаў, узаемадзеянні і комплексным развіцці розных відаў транспарту, бяспецы транспартнай сістэм. Пад кіраўніцтвам Нягрэя выкананы даследаванні па ўдасканаленні схем сартавальных станцый і чыгуначных вузлоў Беларускай чыгункі.

Творы

• Прогнозирование пассажирских потоков. М., 1980 (разам з М. У. Праўдзіным);
• Прогнозирование грузовых потоков. М., 1987 (разам з М. Л. Дыканюком, М. У. Праўдзіным).

Літаратура

• Нягрэй Віктар Якаўлевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).