Віктар Іванавіч Комар
Віктар Іванавіч Комар (5 мая 1932, г. Чугуеў, Харкаўская вобласць — 21 жніўня 1990) — беларускі архітэктар.
| Віктар Іванавіч Комар | |
|---|---|
| Дата нараджэння | 5 мая 1932 |
| Месца нараджэння | |
| Дата смерці | 21 жніўня 1990 (58 гадоў) |
| Грамадзянства | |
| Альма-матар | |
| Месца працы | |
| Партыя | |
| Член у | |
| Узнагароды |
 |
.svg){kind=small}
Біяграфія
правіцьСкончыў у 1957 годзе Новасібірскі інжынерна-будаўнічы інстытут імя В. У. Куйбышава. 3 1958 года працаваў у праектных арганізацыях, у Кемераваграмадзянпраекце г. Навакузнецка Кемераўскай вобласці. 3 1969 года ў інстытуце «Гомельграмадзянпраект», у 1985—1988 галоўны архітэктар тэхнічнага аддзела[1]. З 1988 года — дырэктар Гомельскага філіяла Усесаюзнага архітэктурна-праектнага аб’яднання[2].
Член Саюза архітэктараў СССР з 1968 года. Член КПСС з 1963 года. Пражывае ў г. Гомель[2].
Творчасць
правіцьАсноўныя працы ў Расіі: маладзёжнае кафэ «Юнацтва» (1963), мікрараён № 60-61-62 (1971) у Новакузнецку, база адпачынку «Медзведзяня» ў Междурэчанску Кемераўскай вобласці (1965)[2].
Асноўныя работы (усе ў Гомелі): клуб Таварыства глуханямых (1977)[2], будынак Гомельскага абкама КПБ (1978[1], у сааўтарстве з Р. К. Ціхавым[2]), сталовая ў комплексе будынкаў абкама і Дома палітасветы (1982, з Р. К. Ціхавым), дом адпачынку «Чонкі» (1983)[2], 12-павярховы жылы дом у мікрараёне № 51 (1988), 16-павярховы жылы дом па Рэчыцкай шашы (1989), Палац культуры вытворчага аб’яднання «Гомсельмаш» на праспекце Касманаўтаў (1989), мемарыяльны сквер па вул. Білецкага (1987)[1].
Узнагароды
правіцьУзнагароджаны Ганаровай граматай Прэзідыума Вярхоўнага Савета БССР (1979), дыпломам Усесаюзнага агляду творчасці маладых архітэктараў (1963)[2].
Зноскі
- ↑ а б в Комар Віктар Іванавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- ↑ а б в г д е ё Комар Виктор Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
Літаратура
правіць- Комар Віктар Іванавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Комар Виктор Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)