Гадуцінская Дача
Гадуцінская Дача (літ.: Adutiškio miškai) — вялікі лясны масіў, знаходзіцца на мяжы Беларусі (Пастаўскі раён) і Літвы (Швянчонскі раён), за 10 кіламетраў на паўночны захад ад горада Паставы. Займае плошчу каля 3,5 тыс. га, прычым больш за палову прыпадае на тэрыторыю Літвы.
Трэцяя частка масіву забалочана. У складзе лясоў беразнякі (39 %), асіннікі (24 %), саснякі (16 %), ельнікі (12 %), чорнаалешнікі (9 %). Найбольш распаўсюджаны кіслічныя, чарнічныя і папарацевыя лясы. Саснякі пераважна сфагнавыя, асакова-сфагнавыя і багульнікавыя. Каля 1/3 беразнякоў прадстаўлены бярозай пушыстай. На частцы тэрыторыі Гадуцінскай Дачы плануецца стварэнне батанічнага заказніка «Вілейты».
Спасылкі правіць