Гальян азёрны

Галья́н азёрны, Мундушка (Phoxinus perenurus) — рыба сямейства карпавых. Народныя назвы: аўдотка, сняток.

Гальян азёрны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Ostariophysi Серыя:  Otophysi Атрад:  Карпападобныя Надсямейства:  Карпападобныя Сямейства:  Карпавыя Род:  Rhynchocypris Від:  Гальян азёрны
Міжнародная навуковая назва
Rhynchocypris percnurus Pallas, 1814
Сінонімы
Cyprinus percnurus Pallas, 1814 Cyprinus perenurus Pallas, 1814 Eupallasella percnurus (Pallas, 1814) Eupallasella perenurus (Pallas, 1814) Leucaspius fischeri Sabanyeev, 1871 Morocco percnurus (Pallas, 1814) Moroco percnurus sachalinensis (Berg, 1907) Phoxinus altus Warpachowski, 1887 Phoxinus crucifer Gratzianov, 1907 Phoxinus czekanowskii posnaniensis Berg, 1932 Phoxinus dybowskii Lorec & Wolski, 1910 Phoxinus jelskii Dybowski, 1869 Phoxinus laevis var. punctatus Benecke, 1881 Phoxinus percnurus (Pallas, 1814) Phoxinus percnurus dauricus Dybowski, 1877 Phoxinus percnurus gdaniensis Berg, 1932 Phoxinus percnurus mantschuricus Berg, 1907 Phoxinus percnurus occidentalis Kaj, 1953 Phoxinus percnurus posnaniensis Berg, 1932 Phoxinus percnurus sachalinensis Berg, 1907 Phoxinus percnurus sarykul Ruzskii, 1926 Phoxinus perenurus (Pallas, 1814) Phoxinus perenurus dauricus Dybowski, 1877 Phoxinus perenurus mantschuricus Berg, 1907 Phoxinus sabanejewi Warpachowski, 1887 Phoxinus stagnalis Warpachowski, 1886 Phoxinus variabilis Warpachowski, 1887
Выявы на Вікісховішчы NCBI   219678 EOL   356796

Апісанне

Даўжыня 6—8, часам да 10 см, маса 4,5 г. Цела тоўстае, высокае. Рот канцавы. Луска буйная, шчыльная. Плаўнікі кароткія, закругленыя, хваставы слабавыемчаты. Агульная афарбоўка залацістая, спіна зеленавата-шэрая, бакі зеленаватыя з дробнымі цёмнымі плямкамі. Спінны і хваставы плаўнікі зеленавата-шэрыя, грудныя, брушныя і анальны жоўтыя або чырванаватыя. Афарбоўка рыбы залежыць ад празрыстасці і колеру вады ў вадаёмах.

Пашырэнне

Пашыраны ў азёрах басейна рэк Паўночнага Ледавітага акіяна ад Паўночнай Дзвіны на захадзе да Калымы на ўсходзе, у басейне Амура, у Каме, Вятцы, Дняпры. На Беларусі трапляецца толькі ў поймавых вадаёмах і невялікіх закрытых азёрах у басейнах Дняпра і Прыпяці, пераважна ў заіленых вадаёмах або вадаёмах, якія зарастаюць.

Асаблівасці біялогіі

Прыдонная рыба. Корміцца водарасцямі, лічынкамі насякомых, дробнымі жукамі.

Полавая спеласць у 2 гады. Нераст парцыённы (май—чэрвень). Ікру адкладвае на водныя расліны. Плоднасць 1,6—18,7 тыс. ікрынак.

Літаратура

• Шаўцова Т. Гальян азёрны // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.