Генадзь Дзмітрыевіч Смірноў

Генадзь Дзмітрыевіч Смірно́ў (руск.: Геннадий Дмитриевич Смирнов; нар. 3 лютага 1933) — вучоны ў галіне вылічальнай тэхнікі, кандыдат тэхнічных навук (1970).

Генадзь Дзмітрыевіч Смірноў
руск.: Геннадий Дмитриевич Смирнов
Дата нараджэння	3 лютага 1933(1933-02-03)
Месца нараджэння	Галышманава, сельскае паселішча Галышманава[d], Галышманаўскі раён[d], Цюменская вобласць, СССР
Дата смерці	8 сакавіка 2018(2018-03-08) (85 гадоў)
Грамадзянства	СССР  Беларусь
Род дзейнасці	навуковец
Месца працы	Ерэванскі навукова-даследчыцкі інстытут матэматычных машын НДІЭВМ
Навуковая ступень	кандыдат тэхнічных навук
Альма-матар	Маскоўскі энергетычны інстытут
Прэміі
Узнагароды	Заслужаны работнік прамысловасці БССР[d] (1976) Ганаровы радыст[d]

Біяграфія

Нарадзіўся ў сяле Катышка (сучасны пасёлак Галышманава ў Цюменскай вобласці Расіі). У 1957 годзе скончыў Маскоўскі энергетычны інстытут па спецыяльнасці «Вылічальная тэхніка». У 1957—1960 гадах працаваў інжынерам, вядучым інжынерам у Ерэванскім навукова-даследчыцкім інстытуце матэматычных машын, займаў пасаду намесніка галоўнага канструктара ЭВМ спецыяльнага прызначэння «Карунд». У 1960 годзе Г. Д. Смірноў пачаў працаваць на Мінскім заводзе электронных вылічальных машын, з 1972 года ў Навукова-даследчым інстытуце электронных вылічальных машын, дзе ў 1971—1998 гадах займаў пасады першага намесніка дырэктара і намесніка дырэктара па навуковай рабоце.

Навуковая дзейнасць

Аўтар больш за 80 навуковых прац па структуры, архітэктуры, надзейнасці вылічальных машын, сістэм і комплексаў. Адзін з вядучых распрацоўшчыкаў архітэктуры, структуры і сістэмы каманд ЭВМ сямейства «Мінск», намеснік галоўнага канструктара ЭВМ «Мінск-22» і «Мінск-32», навуковы кіраўнік работ па ЕС ЭВМ. Быў адным з ініцыятараў стварэння шэрагу вазімых і персанальных ЭВМ, намеснікам старшыні Савета галоўных канструктараў раду вазімых ЭВМ (РВ ЭВМ), намеснікам галоўнага канструктара РВ ЭВМ. Уваходзіў у склад Беларускага падкамітэта Сусветнага камп’ютэрнага таварыства (IEEE Computer Society).

Сярод апублікаванага:

• Марголин М. С., Надененко В. К., Смирнов Г. Д. Электронная вычислительная машина «Минск-22». — Минск, Высшая школа, 1967.
• Электронная вычислительная машина «Минск-32». — М., 1972 (разам з В. Я. Пыхціным і В. У. Пржыялкоўскім);
• Электронная вычислительная машина ЕС-1022. — Мн., 1979 (у сааўтарстве).

Узнагароды і званні

• 2 ордэны Працоўнага Чырвонага Сцяга (1983, 1988)
• ордэн «Знак Пашаны» (1976)
• Дзяржаўная прэмія СССР (1970))
• Ленінская прэмія (1983)
• Заслужаны работнік прамысловасці БССР (1976)
• Ганаровы радыст СССР
• медалі

Літаратура

• Савік М. П. Смірноў Генадзь Дзмітрыевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 56. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Ветераны НИИЭВМ // Виртуальный компьютерный музей (руск.)
• Научно-исследовательский институт электронных вычислительных машин // Фонд «Русская Цивилизация» Архівавана 7 кастрычніка 2018. (руск.)