Генадзь Міхайлавіч Лаўранкоў

Генадзь Міхайлавіч Лаўранкоў
Генадзь Міхайлавіч Лаўранкоў
Старшыня Шклоўскага райвыканкама
	1994 — 1999
Кіраўнік справамі Прэзідэнта Беларусі
	сакавік 2004 — люты 2005
Папярэднік	Галіна Жураўкова
Пераемнік	Аляксандр Кулічкоў
Памочнік Прэзідэнта Беларусі — інспектар па Магілёўскай вобласці
	2005 — 26 сакавіка 2019
Папярэднік	Юрый Кулакоўскі
в. а. Старшыні Шклоўскага райвыканкама
	26 сакавіка 2019 — 2 красавіка 2019
Папярэднік	Васіль Віцюноў
Пераемнік	Аляксандр Ціток
Нараджэнне	1952; Мікалаеўка, Заходскі сельсавет, Шклоўскі раён, Магілёўская вобласць, БССР, СССР;
Адукацыя	Магілёўскі машынабудаўнічы інстытут (1978); Акадэмія кіравання пры Прэзідэнце Рэспублікі Беларусь (1995);
Узнагароды

Генадзь Міхайлавіч Лаўранкоў (нар. 1952, в. Мікалаеўка, Шклоўскі раён) — беларускі дзяржаўны дзеяч.

Біяграфія правіць

З 1972 па 1979 гг. працаваў машыністам халадзільнай устаноўкі на Шклоўскім маслазаводзе. У 1978 г. скончыў Магілёўскі машынабудаўнічы інстытут па спецыяльнасці інжынер-механік. З 1979 па 1990 гг. — інструктар, загадчык аргаддзелам Шклоўскага райкама КПБ. У 1990—1994 гг. — намстаршыні Шклоўскага райвыканкама, начальнік Упраўлення эканомікі і прагнозу^[1].

У 1994—1999 гг. — старшыня Шклоўскага райвыканкама. У 1995 годзе скончыў Акадэмію кіравання пры Прэзідэнце Беларусі па спецыяльнасці эканаміст^[1]. Паводле мясцовых жыхароў, усяляк імкнуўся не дэманстраваць сваё службовае становішча^[1].

З ліпеня 1999^[2] па 2004 гг. быў старшынёй інспекцыі Дзяржаўнага падатковага камітэта па Магілёўскай вобласці. 3 сакавіка 2004 г. Указам Прэзідэнта № 126 прызначаны кіраўніком справамі Прэзідэнта Рэспублікі Беларусь з прысваеннем вышэйшага класа дзяржаўнага служачага^[1]. З 2005 года Памочнік Прэзідэнта Беларусі — інспектар па Магілёўскай вобласці.

26 сакавіка 2019 года Прэзідэнт Беларусі Аляксандр Лукашэнка наведаў малочнатаварны комплекс «Сліжы» ААТ «Амкадор-Шклоў», які належыць да аграхолдынга «Купалаўскае», дзе быў абураны ўмовамі, у якіх утрымліваюцца жывёлы, а таксама адсутнасцю парадку ў вытворчых памяшканнях. У выніку Лукашэнка даручыў зняць з пасад усіх вінаватых і ўзбудзіць крымінальныя справы, старшыню Шклоўскага райвыканкама Васіля Віцюнова было вырашана назначыць кіраўніком аграхолдынга «Купалаўскае», а памочніка Прэзідэнта па Магілёўскай вобласці Генадзя Лаўранкова — выконваючым абавязкі старшыні райвыканкама, выконваць абавязкі старшыні Магілёўскага аблвыканкама замест знятага Уладзіміра Даманеўскага быў прызначаны ягоны тагачасны першы намеснік Мікалай Кароцін^[3].