Георгій Аляксандравіч Аксянёнак

Георгій Аляксандравіч Аксянёнак (18 лістапада 1910, Полацк — 26 лютага 1989) — юрыст, прафесар.

Георгій Аксянёнак
Георгій Аляксандравіч Аксянёнак
Дата нараджэння	18 лістапада 1910(1910-11-18)
Месца нараджэння	Полацк, Полацкі павет, Віцебская губерня, Расійская імперыя
Дата смерці	26 лютага 1989(1989-02-26) (78 гадоў)
Месца смерці	Масква, РСФСР, СССР
Грамадзянства	СССР
Род дзейнасці	навуковец, юрыст
Навуковая сфера	Зямельнае права, права, economics of property rights[d] і real property law[d]
Месца працы	Інстытут дзяржавы і права РАН[d] Ташкенцкі дзяржаўны юрыдычны ўніверсітэт[d] Акадэмія кіравання МУС Расіі[d]
Навуковая ступень	доктар юрыдычных навук
Навуковае званне	прафесар член-карэспандэнт РАН[d]
Альма-матар	Маскоўскі юрыдычны інстытут[d]
Навуковы кіраўнік	Леў Ісаакавіч Дэмба[d]
Узнагароды

Біяграфія

У 1935 годзе скончыў Маскоўскі юрыдычны інстытут. Працаваў у Галоўнай ваеннай пракуратуры Чырвонай Арміі, пракуратуры СССР, быў выкладчыкам Ташкенцкага юрыдычнага інстытута, загадчыкам сектара прававых праблем кіравання сельскай гаспадаркай Інстытута дзяржавы і права АН СССР.

У 1950 годзе абараніў кандыдацкую дысертацыю на тэму «Права дзяржаўнай уласнасці на зямлю ў СССР», а ў 1955 годзе — доктарскую дысертацыю на тэму «Зямельныя праваадносіны ў СССР».

З 1956 года — прафесар Вышэйшай школы МУС СССР. З 1966 года з’яўляецца членам-карэспандэнтам Акадэміі навук СССР.

Навуковая дзейнасць

Г. А. Аксянёнкам апублікавана больш за 200 навуковых прац, многія з якіх маюць фундаментальны характар. Найбольш значныя з іх: «Права дзяржаўнай уласнасці на зямлю ў СССР» (1950), «Зямельныя праваадносіны ў СССР» (1958), «Прававое становішча калгасаў у СССР» (1963), «Крытыка сучасных буржуазных аграрна-прававых тэорый» (1972).

Распрацоўваў праблемы зямельнага, воднага, грамадзянскага і калгаснага права.

Узнагароды

• ордэн Айчыннай вайны II ступені
• ордэн Чырвонай Зоркі
• ордэн Працоўнага Чырвонага Сцяга — двойчы

Літаратура

• Аксянёнак Георгій Аляксандравіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. — Мінск : Літаратура і мастацтва, 2012. — С. 13.
• Аксянёнак Георгій Аляксандравіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. — Віцебск : Віцебская абласная друкарня, 2007. — С. 9.
• Нарадзіўся ў Полацку // Памяць: Полацк : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.]; склад. С. С. Чарняўская; навук. рэд.: Г. В. Штыхаў, С. В. Тарасаў; мастак Э. Э. Жакевіч. — Мінск : БелЭн, 2002. — С. 783.