Колін

Ко́лін (чэшск.: Kolín, ням.: Kolin) — горад у Чэхіі, у раёне Колін Сярэднячэшскага края. Размешчаны на рацэ Лабе. Насельніцтва горада складае 29,7 тыс. жых. (2003). Плошча 34,9 км ². Чыгуначны вузел.

Горад Колін чэшск.: Kolín Герб Сцяг Краіна Чэхія Край Сярэднячэшскі Раён Колін Каардынаты 50°01′ пн. ш. 15°12′ у. д. Кіраўнік Міхаэл Кашпар[d] Першая згадка 1261 Плошча 34,97 км² Вышыня цэнтра 220 м Водныя аб’екты Эльба Насельніцтва ▲ 31 020 чалавек (2012) Часавы пояс UTC+1, летам UTC+2 Паштовы індэкс 280 02 Аўтамабільны код S (старыя KO) Афіцыйны сайт mukolin.cz Колін на карце Чэхіі

Медыяфайлы на Вікісховішчы

Гісторыя

Заснаваны Венцаславам I як Новая Калонія ў XIII стагоддзі. Першы пісьмовы ўспамін пра Колін, які тады ўжо меў статус каралеўскага горада, датуецца 1261 годам. У 1475—1488 гадах Гінек з Подзебрадаў, вядомы пісьменнік эпохі Адраджэння, сын Іржы з Подзебрадаў, жыў у Колінскім замку. У час Сямігадовай вайны, 18 чэрвеня 1757 года каля горада адбылося Колінская бітва. У XV — пачатку XX стст. Колін меў адну з самых буйных яўрэйскіх абшчын на тэрыторыі Чэхіі; у час Другой сусветнай вайны амаль уся яна была знішчана ў канцлагеры Тэразін; вайну перажылі толькі 60 колінскіх яўрэяў.

Прамысловасць

Прадпрыемствы машынабудаўнічай (вагоны, электратэхнічнае абсталяванне), хімічнай, харчовай прамысловасці.

У Коліне пад гандлёвай маркай «Uragan D2» дагэтуль вырабляецца сродак, вядомы пад назвай «Цыклон Б» (ням.: Zyklon B), — прадукт хімічнай прамысловасці Германіі, які выкарыстоўваўся для масавага забойства ў газавых камерах лагераў смерці.

Славутасці

Касцёл Святога Барталамея ў Коліне

• Гатычны касцёл Святога Барталамея (другая палова XIV стагоддзя, арх. Петэр Парлер)
• Сінагога ў стылі барока.

Вядомыя ўраджэнцы і жыхары

• Рудольф Крэмлічка, чэшскі жывапісец

Спасылкі

• На Вікісховішчы ёсць медыяфайлы па тэме Колін
• Сайт адміністрацыі горада