Далучэнне Бесарабіі і Паўночнай Букавіны да СССР

Бесарабска-Букавінскі паход (руск.: Прутский поход 1940, рум.: Armata sovietică de ocupație din Basarabia și Bucovina) (28 чэрвеня — 3 ліпеня 1940) — ваенная аперацыя, праведзена Чырвонай арміяй з мэтай прымусовай перадачы Румыніяй Бесарабіі і Паўночнай Букавіны (раней захопленых Румыніяй у УНР) у склад СССР. Савецкі бок планаваў яе як поўнамаштабнае ваеннае ўварванне, але, за некалькі гадзін да пачатку аперацыі, кароль Румыніі Караль II прыняў ультыматыўную ноту савецкага боку і пагадзіўся перадаць Бесарабію і Паўночную Букавіну СССР.

Бесараска-Букавінскі паход Прутский поход 1940 Armata sovietică de ocupație din Basarabia și Bucovina
Эвакуацыя нямецкага насельніцтва Бесарабіі ў Галац
Месца	Румынія, Бесарабія і Паўночная Букавіна
Вынік	Далучэнне Бесарабіі і Паўночнай Букавіны да СССР
Праціўнікі
Румынія
Камандуючыя
Караль II генерал арміі Жукаў Г. К. генерал-лейтэнант Герасіменка В. П. генерал-лейтэнант Болдзін І. В. генерал-маёр Парусінаў П. А.
Сілы бакоў
Румынія дадзеных няма Паўднёвы фронт (5-ая, 9-ая, 12-ая арміі)
Страты
Румынія дадзеных няма
Медыяфайлы на Вікісховішчы

Ваенная аперацыя па акупацыі тэрыторыі савецкімі войскамі доўжылася 6 дзён, у выніку была захоплена тэрыторыя Бесарабіі (44000 км² з насельніцтвам 3,2 млн чал.), Паўночнай Букавіны (6000 км² з насельніцтвам 500 000 чал.) і рэгіён Герца (304 км² з насельніцтвам 25000 чал.).

Правядзенне дадзенай аперацыі савецкімі войскамі было запланавана як следства падпісання тайнага пагаднення паміж урадамі Савецкага Саюза і Трэцяга Рэйху, так званага пакта Молатава — Рыбентропа, яе ажыццяўленне стала магчымым толькі пасля краху Францыі ў вайне з Германіяй, калі зрабілася відавочнай ілюзорнасць англа-французскіх абяцанняў Румыніі па падтрымцы яе тэрытарыяльнай цэласнасці.

2 жніўня 1940 на большай частцы захопленых зямель (за выключэннем Букавіны і Паўднёвай Бесарабіі) была створана Малдаўская Савецкая Сацыялістычная Рэспубліка, папярэдніца сучаснай Рэспублікі Малдова.