Дзень абаронцаў Украіны
Дзень абаронцаў Украіны (укр.: День захисників і захисниць України) — дзяржаўнае свята Украіны, якое адзначаецца штогод 1 кастрычніка. Уведзена ў 2014 годзе. З 2015 года непрацоўны дзень ва Украіне. Свята Пакроў Прасвятой Багародзіцы, адзначанае 1 кастрычніка, было вельмі значным для запарожскіх казакаў. Менавіта на Пакроў абіраліся новыя старшыні.
| Дзень абаронцаў Украіны | |
|---|---|
 |
|
| Тып | Дзяржаўнае |
| Устаноўлена | 14 кастрычніка 2014 |
| Адзначаецца |  Украіна
|
| Дата | 1 кастрычніка |
| Звязана з | Пакроў Прасвятой Багародзіцы Дзень Украінскага казацтва |
Да 2022 года свята адзначалася 14 кастрычніка, бо да 1 верасня 2023 года хрысціянскія цэрквы Украіны жылі па юліянскім календары.[1]
Афіцыйны статус
правіць
Дзень абаронца Украіны ўведзены 14 кастрычніка 2014 года загадам Прэзідэнта Украіны. Адначасова быў адменены загад 2009 года, паводле якога Дзень абаронца Айчыны адзначалі 23 лютага[2].
5 сакавіка 2015 года Вярхоўная Рада Украіны абвясціла 14 кастрычніка выхадным днём[3].
10 кастрычніка 2015 года ўнесены змены ў загад Прэзідэнта Украіны ад 23 жніўня 2004 года «Пра Дзень Дзяржаўнага Сцяга Украіны». Спіс дзяржаўных свят, падчас якіх мясцовым уладам, прадпрыемствам і арганізацыям прапанавана вывешваць дзяржаўны сцяг Украіны, дапоўнены Днём абаронца Украіны[4].
12 кастрычніка 2015 года Нацыянальны банк Украіны ўвёў у зварот 50 тысяч памятных манет «День захисника України» наміналам 5 грыўняў[5].
14 ліпеня 2021 года Вярхоўная Рада Украіны ўхваліла законапраект 25 2325 пра ўнясенне змен у артыкул 73 Працоўнага кодэкса Украіны, паводле якога «День захисника України» перайменаваны на «День захисників і захисниць України»[6]. Закон уступіў у сілу 5 жніўня 2021 года.
Пасля правядзення Архірэйскага Сабора 24 мая 2023 года стала вядома, што Праваслаўная Царква Украіны будзе прасіць улады перанесці Дзень абаронцаў Украіны, а таксама Дзень украінскай дзяржаўнасці, у сувязі з каляндарнай рэформай, бо Пакроў Прасвятой Багародзіцы ў ПЦУ і УГКЦ з 2023 года будуць адзначаць 1 кастрычніка.[7] 28 чэрвеня 2023 года Прэзідэнт Украіны Уладзімір Зяленскі падаў у Вярхоўную Раду Украіны законапраект пра перанос Дня абаронцаў Украіны з 14 кастрычніка на 1 кастрычніка.[8][9] Законапраект быў прыняты Вярхоўнай Радай Украіны 14 ліпеня 2023 года.[10][11]
Гл. таксама
правіцьЗноскі
- ↑ ПЦУ звернеться до уряду з проханням перенести День захисників і захисниць. Українська правда _Життя. Праверана 20 ліпеня 2023.
- ↑ Указ Президента Украины № 806/2014 от 14.10.2014 (укр.). Президент Украины (14 кастрычніка 2014).
- ↑ Закон Украины от 5 марта 2015 года № 238-VIII, Вярхоўная Рада Украіны
- ↑ Загад Прэзідэнта Украіны № 576/2015 от 10.10.2015
- ↑ Нацбанк вводить в обіг нову монету до Дня захисника України
- ↑ Архіўная копія. Архівавана з першакрыніцы 14 ліпеня 2021. Праверана 25 верасня 2021.
- ↑ ПЦУ проситиме перенести День захисників і захисниць на 1 жовтня (укр.). Українська правда. Праверана 29 чэрвеня 2023.
- ↑ Zelensky Introduces Proposed Draft Law to Change Holiday Dates (англ.). Get the Latest Ukraine News Today - KyivPost. Праверана 29 чэрвеня 2023.
- ↑ Zelensky submitted to the Verkhovna Rada a law on changing holiday dates (англ.). babel.ua (28 чэрвеня 2023). Праверана 29 чэрвеня 2023.
- ↑ Свабода, Радыё. Вярхоўная Рада Ўкраіны перанесьла сьвяткаваньне Раства на 25 сьнежня . Радыё Свабода (14 ліпеня 2023). Праверана 19 ліпеня 2023.
- ↑ Рада змінила дати трьох свят – Різдва, Дня Української Державності, Дня захисників і захисниць (укр.). www.ukrinform.ua (14 ліпеня 2023). Праверана 19 ліпеня 2023.