Друскінінкай

Друскінінкай (літ.: Druskininkai, беларуская назва — Друске́нікі) — горад у Алітускім павеце Літвы. Стаіць на Нёмане, паблізу ад мяжы з Беларуссю і Польшчай. Знаходзіцца за 129 км ад Вільнюса і за 42 км ад Гродна. Адносіцца да этнаграфічнага рэгіёну Дзукія. Курорт.

Горад Друскінінкай літ.: Druskininkai Герб Сцяг Краіна Літва Статус горад, цэнтр самакіравання Павет Алітускі Самакіраванне Друскінінкайскае Каардынаты 54°01′14″ пн. ш. 23°58′21″ у. д. Кіраўнік Рычардас Малінаўскас[d] Першая згадка 1563 Ранейшыя назвы Друскенікі Плошча 24 км² Вышыня цэнтра 110 м Насельніцтва ▲13 170 чал. (1 студзеня 2023) Часавы пояс UTC+2, летам UTC+3 Тэлефонны код 313 Паштовыя індэксы LT-66001 Афіцыйны сайт druskonis.lt Друскінінкай на карце Літвы

Медыяфайлы на Вікісховішчы

З восені 1939 года па восень 1940 года быў у складзе БССР.

Гісторыя

Дарожны ўказальнік у Гродне з традыцыйнай беларускай назвай горада Друскенікі

Упершыню горад узгадваецца ў 1563 годзе, але археалагічныя даследаванні выявілі існаванне прускіх паселішчаў яшчэ раней. Тут нават існаваў прускі горад, які ў 1308 годзе згарэў, пасля чаго наваколле абязлюдзела.

З XIV стагоддзя горад увайшоў у склад Вялікага Княства Літоўскага. У 1793 годзе Друскенікі атрымалі статус курорта, пасля таго, як уласны ўрач караля і вялікага князя Станіслава Аўгуста Панятоўскага пацвердзіў лекавыя ўласцівасці мясцовых мінеральных крыніц.

У Расійскай імперыі

Пасля падзелаў Рэчы Паспалітай горад трапіў у склад Расійскай імперыі. У 1837 годзе па загадзе расійскага цара Мікалая I тут пачалося будаўніцтва курортных пабудоў. Хутка курорт атрымаў вялікую папулярнасць.

У Польскай Рэспубліцы

Пасля Першай сусветнай вайны горад адышоў да Польскай Рэспублікі.

Утвараў гарадскую гміну ў Гродзенскім павеце Беластоцкага ваяводства. У 1934 годзе ў Друскенікі была пракладзена чыгунка (адгалінаванне ад станцыі Парэчча).

У БССР

У лістападзе 1939 года Друскенікі былі далучаны да Беларускай ССР. У 1940 годзе — цэнтр сельскага і пасялковага саветаў у Парэцкім раёне Беластоцкай вобласці БССР.

У Літоўскай ССР і Літве

1—2 кастрычніка 1940 года горад быў перададзены Літоўскай ССР. З 1990 года Друскінінкай ўтварае асобную адміністрацыйную адзінку, якой кіруе непасрэдна літоўскі ўрад.

Клімат

Клімат Друскінінкая адрозніваецца прахалодай. У летнія месяцы паветра рэдка прграваецца вышэй +22 °C. Узімку — у сярэднім да −3 °C. Аднак, нягледзячы на такі тэмпературны рэжым, турысты прыязджаюць сюды ўвесь год, бо бальнеялагічныя цэнтры, дзе можна аздаравіцца, адкрыты цэлы год.

Клімат Друскінінкая
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	9,5	14,8	20,2	27,9	31,4	32,8	34,9	35,1	30,9	23,9	16,7	10,9	35,1
Сярэдні максімум, °C	−3,6	−1,4	4,5	11,7	18,9	21,0	22,2	22,1	17,7	11,8	4,0	0,0	10,4
Сярэдняя тэмпература, °C	−5,2	−4,3	−0,4	5,8	12,4	15,8	16,9	16,4	11,9	7,1	1,8	−2,3	6,3
Сярэдні мінімум, °C	−8,5	−7,6	−3,6	1,8	7,3	10,9	12,4	11,8	8,1	4,0	−0,5	−4,9	2,6
Абсалютны мінімум, °C	−35,8	−36,3	−26,3	−12	−3,7	0,1	2,1	0,3	−3	−13,7	−16,7	−28,5	−36,3
Норма ападкаў, мм	39	31	35	42	55	69	80	78	56	45	53	47	630
Крыніца: Кліматычныя даныя

Насельніцтва

Год Колькасць 2001 18 278 2002 18 078 2003 17 900 2004 17 123 2005 16 637 2006 16 224 2007 15 963 Год Колькасць 2008 15 717 2009 15 620 2010 15 436 2011 14 838 2012 14 434 2013 14 172 2013 14 128 Год Колькасць 2014 13 762 2015 13 568 2016 13 226 2017 12 576 2017 12 790 2018 12 441 2019 12 209 Год Колькасць 2020 12 065 2021 12 908 2022 12 730 2023 13 170

Славутасці

• Парк Грутас — музей савецкага мінулага

Гарады-пабрацімы

•  Істад, Швецыя
•  Аўгустаў, Польшча
•  Гродна, Беларусь
•  Трускавец, Украіна
•  Эльблёнг, Польшча

Вядомыя асобы

• Жак Ліпшыц (1891—1973) — французскі скульптар
• Анатоль Анатольевіч Янец (нар. 1950) — беларускі дзяржаўны дзеяч.

Спасылкі

• На Вікісховішчы ёсць медыяфайлы па тэме Друскінінкай