Дубровенскі сельсавет (Лідскі раён)
Дубро́венскі сельсавет — адміністрацыйна-тэрытарыяльная адзінка ў складзе Лідскага раёна Гродзенскай вобласці. Цэнтр — вёска Дуброўня.
| Дубровенскі сельсавет | |
|---|---|
| Краіна |
 Беларусь |
| Уваходзіць у | Лідскі раён |
| Уключае | 31 населены пункт |
| Адміністрацыйны цэнтр | Дуброўня |
| Дата ўтварэння | 12 кастрычніка 1940 |
| Насельніцтва (2009) | 3 268 |
| Часавы пояс | UTC+03:00 |
| Код аўтам. нумароў | 4 |
Утвораны 12 кастрычніка 1940 года ў складзе Лідскага раёна Баранавіцкай вобласці БССР. Цэнтр — вёска Дуброўна. З 20 верасня 1944 года ў складзе Гродзенскай вобласці. 16 ліпеня 1954 года да сельсавета далучана тэрыторыя скасаваных Лідскага і Цвермаўскага сельсаветаў[1]. 30 жніўня 1957 года ў склад сельсавета з Траццякоўскага сельсавета перададзена вёска Перапечыца, у склад Гервянікаўскага сельсавета перададзены вёскі Кадаўбы, Пашкі, Сангайлы і Цвермы[2]. 27 сакавіка 1978 года ў склад Крупаўскага сельсавета перададзены вёскі Малейкаўшчына, Колышкі, Споркаўшчына, Стругі, Чахаўцы[3]. 5 сакавіка 1981 года цэнтр сельсавета перайменаваны ў Дуброўню. 9 верасня 1981 года ў склад сельсавета з Дварышчанскага сельсавета перададзены 3 населеныя пункты (вёскі Пашкі, Сангайлы і Цвермы). 23 снежня 2002 года ў склад сельсавета ўключаны пасёлак Першамайскі[4]. 21 лютага 2023 года да сельсавета далучана тэрыторыя скасаванага Бердаўскага сельсавета (9 населеных пунктаў: аграгарадок Бердаўка, вёскі Бакуны, Бялундзі, Воўкаўцы, Касоўшчына, Кір’янаўцы, Сцеркава, Татарцы і Харужаўцы)[5].
Насельніцтва сельсавета паводле перапісу 2009 года — 3268 чалавек[6], з іх 56,6 % — палякі, 34,9 % — беларусы, 5,7 % — рускія, 1,4 % — украінцы[7].
Зноскі
- ↑ Указ Президиума Верховного Совета Белорусской ССР от 16 июля 1954 г. Об объединении сельских советов Гродненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Рашэнне выканкома Гродзенскага абласнога Савета дэпутатаў працоўных ад 30 жніўня 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1958, № 1.
- ↑ Рашэнне выканкома Гродзенскага абласнога Савета народных дэпутатаў Беларускай ССР ад 27 сакавіка 1978 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 16 (1570).
- ↑ Решение Гродненского областного Совета депутатов от 23 декабря 2002 г. № 116 О внесении изменений и дополнений в Решение Гродненского областного Совета депутатов от 20 сентября 2002 г. № 98
- ↑ Решение Гродненского областного Совета депутатов от 21 февраля 2023 г. № 497 Об изменении административно-территориального устройства Лидского района Гродненской области
- ↑ Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
- ↑ Этнічны склад насельніцтва сельсаветаў Беларусі паводле перапісу 2009 года
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.