Дыкранум мётлападобны

Дыкра́нум мётлападобны (Dicranum scoparium) — від лістасцябловых імхоў сямейства дыкранавых.

Дыкранум мётлападобны
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Лістасцябловыя імхі Падклас:  Dicranidae Парадак:  Dicranales Сямейства:  Дыкранавыя Род:  Дыкранум Від:  Дыкранум мётлападобны
Міжнародная навуковая назва
Dicranum scoparium Hedw., 1801
Сістэматыка на Віківідах Выявы на Вікісховішчы ITIS   16763 NCBI   3222 EOL   883142 IPNI   ??? TPL   tro-35124149

Апісанне

Двухдомная расліна, марфалагічна зменлівы від. Дзярнінкі рыхлыя, аліўкава- або буравата-зялёныя. Сцябло прамастойнае, 3-15 см вышынёй, белавата- потым бураваталямцавае. Лісце ад ланцэтнай асновы пераходзіць у доўгую жалабатую, вострапілаватую верхавінку, уверсе жылка з 2-5 пілаватымі пласцінамі. Спарагоны адзінкавыя. Каробачка цыліндрычная, карычневая, на карычнева-чырвонай ножцы. Дзюбка доўгая.

Пашырэнне

Трапляецца ў лясах Галарктыкі на мінеральнай глебе, спарахнелай драўніне, каля асновы ствалоў дрэў, на камянях, саламяных і дранкавых стэхах.

Спараносіць вясной і летам. Абагачае глебу гумусам.

Літаратура

• Рыкоўскі Г. Ф. Дыкранум // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.