Дэвід Пітэрсан (лінгвіст)
Дэвід Джошуа Пітэрсан (англ.: David Joshua Peterson; нар. 20 студзеня 1981) — пісьменнік, мастак, лінгвіст, стваральнік штучных моў[3] для тэле - і кінафільмаў, такіх як «Тор: Царства цемры» і «Доктар Стрэндж». Працаваў над датракійскай і валірыйскай мовамі для тэлесерыяла «Гульня тронаў»[4], а таксама дапрацаваў мову Старэйшай Гаворкі для серыяла «Вядзьмар» ад Netflix.
| Дэвід Пітэрсан | |
|---|---|
| англ.: David Joshua Peterson | |
 | |
| Дата нараджэння | 20 студзеня 1981[1] (43 гады) |
| Месца нараджэння | |
| Грамадзянства | |
| Род дзейнасці | мовазнавец, пісьменнік, стваральнік моў |
| Навуковая сфера | мовазнаўства |
| Альма-матар | |
| Сайт | dedalvs.com (англ.) |
 Медыяфайлы на Вікісховішчы | |
Біяграфія
правіцьПітэрсан атрымаў ступень бакалаўра па англійскай мове і лінгвістыцы ў Каліфарнійскім універсітэце ў Берклі (2003), затым скончыў магістрскую праграму па лінгвістыцы ў Каліфарнійскім універсітэце ў Сан-Дыега (2003-2006). Згодна з інтэрв'ю, дадзенага выданню Conlangs Monthly, ён упершыню пазнаёміўся са штучнымі мовамі, яшчэ знаходзячыся ў Берклі, пасля наведвання класа эсперанта ў 2000 годзе[5]. У 2007 годзе ён стаў адным з 10 заснавальнікаў «Таварыства па стварэнню моў» і быў яго прэзідэнтам (2011-2014)[6].
У 2009 годзе тэлевізійнай сеткі HBO спатрэбілася распрацаваць выдуманую мову для тэлесерыяла «Гульня тронаў». Прадзюсары звярнуліся за дапамогай да Грамадства па стварэнню моў. Конкурс выйграў Пітэрсан.
Пітэрсан стварыў датракійскую і валірыйскую мовы для серыяла «Гульня тронаў», а таксама касцітанскую, іраціенскую, індаджынскую і OMEC мовы для шоу «Выклік» канала Syfy; наогул ён стварае мовы з 2000 года[7]. Ён таксама стварыў мову, якая выкарыстоўваецца цёмнымі эльфамі ў фільме «Тор: Царства цемры»[8]. Нядаўнія праекты Пітэрсана ўключаюць мовы Inha і Munja'kin для серыяла NBC «Ізумрудны горад»[9].
Пітэрсан актыўна папулярызуе творчасць па стварэнні моў, таксама званых «канлангамі». Ён стварыў некалькі відэаролікаў на YouTube у серыі пад назвай «Мастацтва вынаходніцтва мовы» і апублікаваў кнігу пад той жа назвай у 2015 годзе. Таксама Пітэрсан працаваў выканаўчым прадзюсарам дакументальнага фільма 2017 года Conlanging — The Art of Crafting Tongues[10].
Зноскі
- ↑ а б https://the-talks.com/interview/david-j-peterson/
- ↑ https://www.newyorker.com/culture/cultural-comment/dune-and-the-delicate-art-of-making-fictional-languages
- ↑ Dedalvs (англ.).
- ↑ Creator of 'Game of Thrones' languages coming to Iowa State in February - News Service - Iowa State University (англ.).
- ↑ "Interview with David J. Peterson". Праверана 2015-02-02.
- ↑ Minutes for LCS Board Meeting (3/5/2011). Language Creation Society. Праверана 14 красавіка 2016.
- ↑ "Interview: Creating Language for HBO's Game Of Thrones". Праверана 2014-04-05.
- ↑ "Thor: The Dark World credits". Праверана 2013-11-18.
- ↑ "Creating the languages of Tarsem's fantastical new 'Emerald City'". Праверана 2017-01-30.
- ↑ Conlanging, The Film About. Праверана 28 жніўня 2017.
Літаратура
правіць- Johnston, Susan; Battis, Jes. Mastering the Game of Thrones: Essays on George R. R. Martin's A Song of Ice and Fire (англ.). — McFarland & Company, 2015. — ISBN 978-0-7864-9631-0.
- Peterson, David J. Dothraki (англ.). — Living Language, 2014. — ISBN 978-0-8041-6086-5.
- Peterson, David J. The Art of Language Invention (англ.). — Penguin Books, 2015. — ISBN 978-0-14-312646-1.
- Post, Nina; Peterson, David J. The Zaanics Deceit (Cate Lyr) (Volume 1) (англ.). — Nina Post, LLC, 2014. — ISBN 978-1-4954-6134-7.
- Post, Nina; Peterson, David J. The Zaanics Pursuit (Cate Lyr) (Volume 2) (англ.). — Nina Post, LLC, 2017. — ISBN 978-1-5376-4745-6.