Жэрэмі Нжытап

Жэрэмі Сорэле Нжытап Фотса (англ.: Geremi Sorele Njitap Fotso; 20 снежня 1978, Бафусам, Камерун) — былы футбаліст зборнай Камеруна. Гуляў як на пазіцыі паўабаронцы, так і на пазіцыі абаронцы. З’яўляецца адным з самых тытулаваных футбалістаў Афрыкі.

Жэрэмі Нжытап
Агульная інфармацыя
Нарадзіўся	20 снежня 1978(1978-12-20)[…] (45 гадоў) Бафусам, Заходні рэгіён, Камерун
Грамадзянства	Камерун
Рост	175 см
Вага	85 кг
Пазіцыя	паўабаронца
Інфармацыя пра клуб
Клуб	завяршыў кар’еру
Клубная кар’ера
1995—1996 Расінг (Бафусам) 28 (5) 1997 Сера Партэнья (Асунсьён) 6 (0) 1997—1999 Генчлербірлігі (Анкара) 57 (9) 1999—2003 Рэал (Мадрыд) 45 (1) 2002—2003 →  Мідлсбра 33 (7) 2003—2007 Чэлсі (Лондан) 72 (4) 2007—2010 Ньюкасл Юнайтэд 49 (3) 2010 Анкарагюджу (Анкара) 12 (2) 2010—2011 Ларыса 10 (0)
Нацыянальная зборная
1996—2010 Камерун 118 (13)
Узнагароды і медалі
Алімпійскія гульні Золата Сідней 2000 футбол Кубкі афрыканскіх нацый Золата Малі 2000 Золата Гана/Нігерыя 2002 Срэбра Гана 2008 Кубкі канфедэрацый Срэбра Францыя 2003
Медыяфайлы на Вікісховішчы

Клубная кар’ера

Прафесійную кар’еру пачынаў у 1995 годзе ў камандзе вышэйшай лігі камерунскага чэмпіянату «Расінг Бафусам».

У 1996 годзе склаў кантракт з камандай вышэйшай лігі чэмпіянату Парагвая «Сера Партэнья».

У 1997 годзе пераехаў у Турцыю, падпісаўшы кантракт з «Генчлербірлігі». Правёў у камандзе 2 сезоны.

З 1999 па 2003 год гуляў за мадрыдскі «Рэал». У складзе каманды станавіўся пераможцам Лігі Чэмпіёнаў у 2000 і 2002 гадах.

Сезон 2002—2003 гадоў, на правах арэнды, правёў у англійскім «Мідлсбра». Правёў выдатны сезон, адыграўшы 33 гульні і забіўшы 7 галоў.

У ліпені 2003 года за 6,9 млн фунтаў быў набыты клубам «Чэлсі». Правёў у камандзе 4 сезоны. У складзе каманды выйграваў:

• Чэмпіянат Англіі па футболе ў 2005 і 2006 гадах;
• Кубак Англіі па футболе ў 2007 годзе;
• Кубак англійскай лігі па футболе ў 2005 годзе;
• Суперкубак Англіі па футболе ў 2005 і 2007 гадах.

Пры трэнеры Клаўдзіа Раньеры быў гульцом асноўнага складу. З прыходам Жазэ Маўрынью прыйшлося змагацца за месца ў складзе з Паўлу Ферэйра.

У ліпені 2007 года, на правах вольнага агента, падпісаў трохгадовы кантракт з клубам «Ньюкасл Юнайтэд».

Міжнародная кар’ера

За зборную Камеруна гуляў з 1996 года. Удзельнік Чэмпіянату свету 2002 года. У складзе зборнай стаў алімпійскім чэмпіёнам 2000 года. Выйграваў Кубак афрыканскіх нацый 2000 і 2002 гадоў. У 2008 годзе стаў срэбным прызёрам.

Спасылкі

• На Вікісховішчы ёсць медыяфайлы па тэме Жэрэмі Нжытап
• Профіль на сайце National-football-teams
• Профіль на сайце NUFC
• Профіль на сайце football-players Архівавана 10 кастрычніка 2007.