Зачорнае

Зачо́рнае — возера ў Шумілінскім раёне Віцебскай вобласці, у басейне ракі Шэвінка, за 8 км у напрамку на паўночны ўсход ад гарадскога пасёлка Шуміліна.

Зачорнае
Морфаметрыя
Вышыня над узроўнем мора	147,3 м
Даўжыня	1,76 км
Шырыня	0,24 км
Плошча	0,29 км²
Аб’ём	0,00139 км³
Даўжыня берагавой лініі	4,04 км
Найбольшая глыбіня	7,9 м
Сярэдняя глыбіня	4,8 м
Гідралогія
Салёнасць	да 0,27 ‰
Празрыстасць	0,8 м
Басейн
Плошча вадазбору	4,3 км²
Упадаюць	ручаі
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Зачорнае
Зачорнае

Плошча паверхні возера 0,29 км², даўжыня 1,8 км, найбольшая шырыня 0,24 км, найбольшая глыбіня 7,9 м, сярэдняя 4,8 м, даўжыня берагавой лініі 4,04 км. Плошча вадазбору 4,3 км². Аб'ём вады ў возеры 1,39 млн. м³.
Катлавіна возера лагчыннага тыпу, выцягнутая ў напрамку з захаду на ўсход. Схілы катлавіны вышынёй 5—8 м, пераважна разараныя. Берагавая лінія слабазвілістая. Берагі зліваюцца са схіламі, каля ўрэзу вады параслі хмызняком, на ўсходзе і захадзе сплавінныя. Уздоўж заходняга і ўсходняга берагоў пойма шырынёй 25—30 м. У паўднёвай частцы востраў плошчай 0,1 га. Дно да глыбіні 2 м (вакол вострава да 4—5 м) пясчанае, ніжэй выслана сапрапелем.
Возера эўтрофнае, слабапраточнае. Зарастае слаба. Перарывістая палоса расліннасці ўздоўж берагоў шырынёй да 5 м (у асобных месцах да 25 м) і да глыбіні 0,5 м. Упадаюць 2 ручаі, на ўсходзе выцякае ручай у возера Філіпенскае.

У возеры водзяцца шчупак звычайны, лешч, акунь, карась, плотка і інш.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. — ISBN 985-11-0279-2
• Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.