Зернебабовыя культуры

Зернебабо́выя культу́ры — група раслін парадку Бабовыя (Fabaceae), якія галоўны чынам вырошчваюць для пладоў, якія ўжываюць як прадукты харчавання.

Соевыя бабы

У зерні маецца 20—40 (20—50) % бялкоў. У сухім рэчыве зялёнай масы колькасць бялкоў дасягае 18-19 %.

У сусветным земляробстве вядома больш за 60 відаў, якія адносяцца да 17 родаў. Сярод іх арахіс, гарох, соя, фасоля, лубін, боб, эспарцэт, сачавіца, чына і іншыя.

Гаспадарчае значэнне

Па гаспадарчаму значэнню зернебабовыя культуры падзяляюцца на харчовыя, кармавыя, тэхнічныя і ўніверсальныя.

Спелае насенне выкарыстоўваюць у ежу ў выглядзе крупы і мукі. З яго падрыхтоўваюць кансервы, харчовыя канцэнтраты. Няспелае насенне і плады (зялёны гарошак, зялёныя бабы гароху і фасолі) — гародніна. З насення соі, арахісу здабываецца алей. Зерне, макуха, шрот, зялёная маса — каштоўны корм сельскагаспадарчым жывёлам. Зернебабовыя культуры ўзбагачаюць глебу азотам. Лубін, гарох пасяўны — добрае зялёнае ўгнаенне.

У Арганізацыі Аб’яднаных Нацый

На 68-й сесіі Генеральнай Асамблеі Арганізацыі Аб’яднаных Нацый 2016 год быў абвешчаны Міжнародным годам зернебабовых (МГЗ). 10 лютага — Сусветны дзень зернебабовых.

Літаратура

• Зернебабовыя культуры // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 334—335. — 800 с. — 5 000 экз. — ISBN 985-11-0026-9.
• Зерновые бобовые культуры, зернобобовые культуры // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
• Сельско-хозяйственный энциклопедический словарь. / Главный редактор: В. К. Месяц. — М.: Советская энциклопедия, 1989. (руск.)
• Зерновые бобовые культуры : практикум / В. Г. Таранухо [и др.]. — Горки : БГСХА, 2014. — 56 с. — ISBN 978-985-467-504-6. (руск.)

Спасылкі

• Всемирный день зернобобовых 10 февраля (руск.) // Сайт ААН
• Международный год зернобобовых 2016 (руск.) // Сайт ААН