Кастусь Кадушка

Кастусь Кадушка (на эміграцыі Якуб Амор, 11 чэрвеня 1925 — пасля 1975 года) — беларускі грамадскі дзеяч.

Кастусь Кадушка
Род дзейнасці	грамадскі дзеяч
Дата нараджэння	11 чэрвеня 1925(1925-06-11)
Месца нараджэння	Дзісенскі павет, Віленская зямля, Польская Рэспубліка
Дата смерці	не раней за 1975
Месца смерці	мерк. Сан-Паўлу, штат Сан-Паўлу, Бразілія
Альма-матар	Афіцэрскія курсы БКА
Член у	Згуртаванне беларусаў у Вялікай Брытаніі Згуртаванне беларускіх камбатантаў[d] БХАА «Жыццё»[d] Беларускі незалежніцкі народна-хрысціянскі рух[d]

Біяграфія

Паходзіў з Дзісеншчыны. Падчас Другой сусветнай вайны быў курсантам Мінскай афіцэрскай школы БКА, разам з якой трапіў у 30-ю грэнадзёрскую дывізію войскаў пры СС. Перайшоў на бок саюзнікаў, затым служыў у 2-м Польскім корпусе.

Ад 1946 г. жыў у Вялікабрытаніі. Быў адным з заснавальнікаў ЗБВБ, адным з ініцыятараў і сталых аўтараў часопіса «Беларус на Чужыне». Сябра Згуртавання беларускіх камбатантаў і БХАА «Жыццё», адзін са стваральнікаў Беларускага незалежніцкага народна-хрысціянскага руху.

У 1952 г. выехаў для навучання ў амерыканскай школе выведкі ў Германіі. Рыхтаваўся для дэсантавання на савецкую тэрыторыю ў групе з Цімохам Вострыкавым, аднак адмовіўся выконваць загад у выніку канфлікта з кіраўніцтвам. Трапіў у турму, але быў вызвалены праз некаторы час і з’ехаў у Бразілію.

Пасяліўся на сталае жыццё ў Сан-Паўлу, падтрымліваў абмежаваныя кантакты з беларусамі, якія абарваліся пасля 1975 года.

Далейшы лёс не вядомы.

Цікавыя факты

• У бібліятэцы імя Францішка Скарыны захоўваецца цікавае ліставанне Кастуся Кадушкі з беларускім святаром Чаславам Сіповічам.

Літаратура

• Юрэвіч, Л. Шматгалосы эпісталярыум : гісторыя людзей і ідэй на эміграцыі ў ліставанні / Прадм. і рэд. Н. Гардзіенка. — Мінск: Кнігазбор, 2012. — 660 с. — (Бібліятэка Бацькаўшчыны ; кн. 20). — ISBN 978-985-7007-43-1.