Наталля Сяргееўна Гардзіенка
Наталля Сяргееўна Гардзіе́нка, па нараджэнні Арлова (нар. 6 ліпеня 1977, Мінск) — беларуская гісторык, архівіст. Кандыдат гістарычных навук (2003).
| Наталля Сяргееўна Гардзіенка | |
|---|---|
| Дата нараджэння | 6 ліпеня 1977 (47 гадоў) ці 1977[1] |
| Месца нараджэння | |
| Грамадзянства | |
| Род дзейнасці | гісторык, архівістка |
| Навуковая сфера | гісторыя[2] і архівазнаўства[d][2] |
| Месца працы | |
| Навуковая ступень | кандыдат гістарычных навук (2003) |
| Навуковае званне | |
| Альма-матар | |
| Член у | |
| Узнагароды |
 |
Біяграфія
правіцьВучылася ў школах Мінска, Саны (Емен), Ліды. Скончыла Ліцэй БДУ. У 1994 годзе паступіла на гістарычны факультэт БДУ, спецыялізавалася на кафедры Гісторыі Беларусі Старажытнага часу і Сярэдніх вякоў, займалася беларускай гісторыяй XVIII стагоддзя. Па сканчэнні ўніверсітэта, некалькі месяцаў працавала настаўніцай гісторыі ў мінскай школе. У 1999 годзе паступіла ў аспірантуру БДУ, у 2003 годзе абараніла кандыдацкую дысертацыю на тэму «Становішча жанчыны-шляхцянкі ў Вялікім Княстве Літоўскім у XVIII ст.»[3].
Працавала выкладчыцай кафедры гуманітарных дысцыплін у Мінскім абласным інстытуце развіцця адукацыі, з 2004 года — дэкан факультэта, з 2010 года — прарэктар па вучэбнай працы. З 2011 года дацэнт кафедры ў Інстытуце парламентарызму і прадпрымальніцтва. Намеснік дырэктара Беларускага дзяржаўнага архіва-музея літаратуры і мастацтва (2015—2023)[3].
Ад імя Беларускага гістарычнага таварыства падпісала ліст з пратэстам супраць затрымання 25 кастрычніка 2020 года гісторыка Алеся Краўцэвіча, які прыйшоў на акцыю, патрабуючы адстаўкі Лукашэнкі, вызвалення палітзняволеных і расследавання злачынстваў супраць мірных пратэстоўцаў[4].
Дзейнасць
правіцьЗ 2002 года займаецца гісторыяй беларускай эміграцыі. Аўтар кніг «Беларусы ў Аўстраліі: Да гісторыі дыяспары» (Мінск, 2004), «Беларусы ў Вялікабрытаніі» (Мінск, 2010), «Рада БНР: Падзеі. Дакументы. Асобы» (разам з Лявонам Юрэвічам, Мінск, 2013) і каля 100 артыкулаў.
Член Саюза беларускіх пісьменнікаў. Сябра управы Згуртавання беларусаў свету «Бацькаўшчына», сябра Міжнароднай асацыяцыі беларусістаў. З 2004 года адказная рэдактарка альманаха «Запісы Беларускага інстытута навукі і мастацтва». Удзельнічае ў рэдагаванні выданняў кніг серый «Беларуская мемуарная бібліятэка», «Бібліятэка Бацькаўшчыны», «Галасы Айчыны».
Узнагароды
правіцьУзнагароджана медалём 100 гадоў БНР Рады Беларускай Народнай Рэспублікі[5].
Крыніцы
правіць- ↑ Czech National Authority Database Праверана 30 верасня 2023.
- ↑ а б Czech National Authority Database Праверана 4 кастрычніка 2023.
- ↑ а б Архіўная копія(недаступная спасылка). Архівавана з першакрыніцы 3 лістапада 2022. Праверана 25 сакавіка 2023.
- ↑ Гісторыкі выступілі са зваротам з нагоды затрымання Алеся Краўцэвіча Архівавана 15 студзеня 2024.. 26.10.2020 // Наша Ніва
- ↑ Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны мэдалём у гонар БНР-100
Літаратура
правіць- ГАРДЗІЕНКА Наталля Сяргееўна // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.
Спасылкі
правіць- Гардзіенка Наталля Сяргееўна Архівавана 30 чэрвеня 2016. — старонка на сайце СБП