Вікіпедыя

Касцёл Святой Тройцы і кляштар аўгусцінцаў (Брэст)

У гэтай старонкі няма правераных версій, хутчэй за ўсё, яе якасць не ацэньвалася на адпаведнасць стандартам.

Касцёл Святой Тройцы і кляштар аўгусцінцаў — рымска-каталіцкі сакральны комплекс, які існаваў з пачатку 15 ст. да 1830 года ў Брэсце.

Славутасць
Касцёл Святой Тройцы і кляштар аўгусцінцаў
Абмерны чарцёж коплекса, 1830
Абмерны чарцёж коплекса, 1830
52°04′58,63″ пн. ш. 23°39′18,24″ у. д.HGЯO
Краіна  Беларусь
Горад Брэст
Канфесія Рымска-каталіцкая царква
Ордэнская прыналежнасць аўгусцінцы
Заснавальнік Вітаўт
Дата заснавання каля 1410
Дата скасавання 1830
Map

Гісторыя

правіць

Заснаваны каля 1410 года вялікім князем літоўскім Вітаўтам, які даў кляштару 2 карчмы ў Брэсце, загадаў выплачваць манахам па 4 грошы з мыта, па дзесяціне ад брэсцкіх мяшчан і з в. Бучэмля і Трасцяніца. Асноўны даход аўгусцінцы атрымлівалі ад в. Кастамлоты, якая належала ім да 1795 г. Кляштар меў таксама 2 юрыдыкі ў Брэсце, на яго карысць рабіліся грашовыя запісы, і ён лічыўся самым багатым сярод аўгусцінскіх кляштараў Вялікага Княства Літоўскага. У 17—18 стст. y ім жыло каля 20 манахаў, адбываліся ордэнскія капітулы, дзейнічалі школы філасофіі і тэалогіі, існавала бібліятэка, у якой станам на 1818 год былі 322 кнігі.

Кляштар і першы драўляны касцёл Найсвяцейшай Тройцы, якія размяшчаліся ў прадмесці паміж рэкамі Мухавец і Укрынка, згарэлі ў 1666 годзе. Для новай пабудовы ў 1672 годзе берасцейцы ахвяравалі ім пляцы і дамы на рынку. Мураваны касцёл асвячоны біскупам y 1686 г. У пачатку 18 ст. ён зруйнаваны, каля 1714 года адноўлены, пасля пажараў 1801 і 1808 гадоў капітальна адбудаваны.

 
Партрэт Вітаўта Вялікага з кляштара аўгусцінцаў у Брэсце, XVIII ст.
 
Перабудаваны касцёл Святой Тройцы на копіі М. Г. Жашкова карціны М. Залескага «Крэпасць Брэст-Літоўск у 1840 г.»

У 1830 годзе кляштар скасаваны, будынкі перададзены ваеннаму ведамству (размяшчаўся к-т крапасных інжынераў). Касцёл перабудаваны пад Мікалаеўскую царкву[удакладніць] (захаваўся часткова).

Літаратура

правіць
  • Беларуская энцыклапедыя: У 18 т. Т.3: Беларусы — Варанец / Рэдкал.: Г. П. Пашкоў і інш — Мн.: БелЭн, 1996. — Т. 3. — 511 с. — 10 000 экз. — ISBN 985-11-0068-4 (т. 3).

Спасылкі

правіць
Узята з "https://be.wikipedia.org/wiki/Касцёл_Святой_Тройцы_і_кляштар_аўгусцінцаў_(Брэст)"