Крушыняны

Крушыня́ны (польск.: Kruszyniany) — вёска ў Сакульскім павеце Падляскага ваяводства Польшчы. Вёска ўваходзіць у склад гміны Крынкі. Адна з дзвюх татарскіх вёсак у Сакульскім павеце, іншая — Багонікі. Знаходзіцца за 3 км на захад ад беларускай граніцы.

Крушыняны польск.: Kruszyniany Краіна Польшча Ваяводства Падляскае Павет Сакульскі Гміна Крынкі Каардынаты 53°10′43″ пн. ш. 23°48′49″ у. д. Насельніцтва ▼74 чал. (31 сакавіка 2021) Часавы пояс UTC+1, летам UTC+2 Паштовыя індэксы 16-100 Крушыняны на карце Польшчы ±

Медыяфайлы на Вікісховішчы

Гісторыя

Кароль Ян ІІІ Сабескі аддаў татарам вёскі Крушыняны і Багонікі ў залік доўгу перад імі за ўдзел у вайне з туркамі, паводле ж легенды — за выратаванне ў 1683 годзе каралеўскага жыцця ў бітве пад Парканамі.

У 1940—1945 гадах цэнтр Крушынянскага сельсавета Крынкаўскага раёна Беластоцкай вобласці БССР, з 20 верасня 1944 года — Бераставіцкага раёна Гродзенскай вобласці. 16 жніўня 1945 года перададзены ў склад Польскай Народнай Рэспублікі.

Насельніцтва

На сённяшні дзень у вёсцы пражывае каля 160 чалавек. Размаўляюць на польска-беларускай змяшанай гаворцы.

У 1980 годзе ў вёсцы пражывалі 289 чалавекі, з іх 33 — мусульмане, астатнія ж каталікі і праваслаўныя.

Славутасці

• Крушынянская мячэць (18 ст.) — адна з найстарэйшых мячэцяў у Польшчы, рэгістрацыйны нумар: A-62, 03/11/1960 год.
• Татарскія могілкі (17 ст.) рэгістрацыйны нумар: A-63, 31.12.1986 год.
• Праваслаўная царква Святой Ганны

• 
  Крушыняны
• 
  Мячэць
• 
  Праваслаўная царква Святой Ганны
• 
  Татарскія могілкі
• 
  Татарскія могілкі

Вядомыя асобы

• Пятрусь Макаль (1932—1996) — беларускі паэт, драматург, перакладчык.

Спасылкі

• На Вікісховішчы ёсць медыяфайлы па тэме Крушыняны
• Крушыняны на сайце Radzima.org