Ксенія Міхайлаўна Сітнік
Ксенія Міхайлаўна Сітнік (н. 15 мая 1995, Мазыр, Беларусь) — беларуская спявачка, тэлевядучая, журналіст. Лаўрэат дзіцячага конкурсу песні «Еўрабачанне» 2005 года, што праходзіў у бельгійскім горадзе Хаселт[2].
| Ксенія Сітнік | |
|---|---|
 | |
| Асноўная інфармацыя | |
| Поўнае імя | Ксенія Міхайлаўна Сітнік |
| Дата нараджэння | 15 мая 1995[1] (29 гадоў) |
| Месца нараджэння | |
| Краіна | Беларусь |
| Маці | Святлана Адамаўна Стацэнка |
| Музычная дзейнасць | |
| Прафесіі | спявачка, журналістка, тэлевядучая |
| Інструменты | вакал |
| Жанры | поп-музыка |
 Медыяфайлы на Вікісховішчы | |
Біяграфія
правіцьКсенія Міхайлаўна Сітнік нарадзілася 15 мая 1995 г. у Мазыры. Маці Ксеніі — Святлана Стацэнка — працавала мастацкім кіраўніком у студыі эстраднага спеву «ЮМЭС». Бацька Ксеніі, Міхаіл Сітнік — бізнэсмэн[3].
У 1998 годзе Ксенія паступіла ў ДУ № 34 г. Мазыра. У 2000 годзе яна перамагла на конкурсе «Міс Верасок»[4]. У 2001 годзе пачала займацца ў студыі эстраднага спеву «ЮМЭС», кіраўніцаю якой была яе маці[2].
Ксенія Сітнік удзельнічала ў многіх конкурсах[5]. У 2004 годзе на Міжнародным фестывалі дзіцячага мастацтва «Залатая пчолка» (Клімавічы) Ксенія стала ўладальнікам дыплому першай ступені. У 2005 годзе яна стала пераможцаю ў гарадской алімпіядзе па рускай мове. У ліпені таго ж года Ксенія перамагла ў дзіцячым конкурсе ў рамках фестывалю Славянскі базар у Віцебску[6], што прынесла ёй знакамітасць у Беларусі. Пасля гэтага Ксенія стала знаёма таксама ў Расіі, Польшчы і Германіі, дзякуючы ўдзелу на шматлікіх конкурсах і фестывалях[7].
У лістападзе 2005 года Ксенія Сітнік пераможна прадставіла Беларусь на дзіцячым Еўрабачанні з песняю «Мы вместе». А праз год, 26 лістапада 2006 года адбылася прэзентацыя яе дэбютнага альбому, таксама названага «Мы вместе»[8].
У снежні 2005 года Ксенія сыграла галоўную ролю ў навагоднім мюзікле «Зорная ноч-2006». У мае 2006 года з’явіўся першы кліп спявачкі на песню «Маленький кораблик». Пазней з’явіліся кліпы на песні «Простая песенка» і «Нон-стоп».
Ксенія Сітнік вучылася ў мінскай гімназіі № 8 (скончыла ў 2013 годзе з адзнакай)[4] і у мінскай музычнай школе № 10 (скончыла ў 2010 годзе). Да мая 2009 года была вядучай перадачы «Наша пяцёрачка» беларускага тэлеканала «Лад», пакуль перадача не была закрыта; па афіцыйным дадзеным, перадачу было вырашана закрыць, таму што Ксенія пасталела[9].
15 мая 2010 года, на пятнаццаты дзень нараджэння Ксеніі, у Мінску быў прадстаўлены яе другі сольны альбом «Республика Ксения»[10].
У 2017 годзе Ксенія Сітнік скончыла Англа-амерыканскі ўніверсітэт у Празе, дзе вучылася на журналіста, і атрымала вучоную ступень бакалаўра[11]. Працуе журналістам-фрылансерам у сферы моды[12][13].
Дыскаграфія
правіць- 2006 — «Мы вместе»
- 2010 — «Республика Ксения»
Зноскі
правіць- ↑ https://www.sb.by/articles/umnitsa-kseniya-sitnik.html
- ↑ а б Ігар Карней. Чаму Ксенія Сітнік сьпявала не па-беларуску?// Радыё «Свабода». 28 лістапада 2005
- ↑ Виктория ПОПОВА. Умница Ксения Ситник (руск.). Савецкая Беларусь (14 кастрычніка 2005). Праверана 3 лістапада 2016.
- ↑ а б Екатерина ПРИХОДЬКО. Ксюша Ситник: от маленькой кокетки до дивной студентки (руск.). Камсамольская Праўда (8 кастрычніка 2014). Праверана 3 лістапада 2016.(недаступная спасылка)
- ↑ Ольга Артишевская (2005-11-27). "С победой, Ксюша!". Вячэрні Мінск. Архівавана з арыгінала 4 сакавіка 2016. Праверана 2013-03-05.
- ↑ Ксения Ситник "Мы вместе" - победитель. Детское евровидение 2005, Хассельт. Сайт Еўрабачанне-Казахстан. Архівавана з першакрыніцы 27 лютага 2013. Праверана 18 лютага 2013.
- ↑ Ксения Ситник, 10 лет (Беларусь). Участники. vitebsk.by. Архівавана з першакрыніцы 27 лютага 2013. Праверана 18 лютага 2013.
- ↑ "Ксюша Ситник презентует свой сольный альбом". Інтэрфакс-Захад. 2006-11-17. Архівавана з арыгінала 9 верасня 2018. Праверана 2016-11-07.
- ↑ Татьяна Пастушенко (2009-11-05). "Ксения Ситник переросла программу "Наша пятерочка" - Кухто". БЕЛТА. Праверана 2016-11-07.
- ↑ Ксения Ситник: Выход нового альбома для меня — это очень важное, даже грандиозное событие (руск.)(недаступная спасылка). БелаПАН (16 мая 2010). Архівавана з першакрыніцы 20 чэрвеня 2017. Праверана 7 лістапада 2016.
- ↑ "Фотофакт. Ксения Ситник окончила университет в Праге". TUT.BY. 2017-07-28. Архівавана з арыгінала 7 жніўня 2020. Праверана 2018-03-21.
- ↑ Ковальчук, Виктория (2017-11-16). ""Мой вес не меняется с 15 лет, стабильно 40 килограммов". ЗОЖ повзрослевшей Ксении Ситник". TUT.BY. Архівавана з арыгінала 29 сакавіка 2019. Праверана 2017-12-12.
- ↑ Дарья Спевак. Как живут герои детского «Евровидения» сегодня: Сацюк, Жигалкович, Ситник (руск.). Onliner.by (16 жніўня 2015). Праверана 7 лістапада 2016.
Спасылкі
правіць
На Вікісховішчы ёсць медыяфайлы па тэме Ксенія Міхайлаўна Сітнік- (руск.)Ксенія Сітнік на Voteactors.ru Архівавана 20 жніўня 2011.
- (руск.)Ксенія Сітнік на kids’music