Купрыт

Купры́т, чырвоная медная руда — мінерал класа прыродных аксідаў, аксід медзі Cu₂O. Упершыню апісаны ў 1845 годзе.

У склад мінерала ўваходзяць 88,8 % медзі, 11,2 % кіслароду. Дамешкі цынку, жалеза, волава, свінцу, кадмію.

Крышталізуецца ў кубічнай сінгоніі. Утварае шчыльныя агрэгаты. Крышталі празрыстыя і паўпразрыстыя, маюць чырвоны колер з адценнямі. Цвёрдасць 3,5—4 па шкале Моаса. Шчыльнасць 6,1 г/см³. Крохкі.

Утвараецца ў верхніх акісленых частках медных жыл. Радовішчы купрыту ў Германіі, Вялікабрытаніі, ЗША, Казахстане, Перу, Расіі (на Урале і Алтаі), Чылі і інш.

Выкарыстанне

Купрыт выкарыстоўваецца ў якасці руды на медзь.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — 560 с. — 10 000 экз. — ISBN 985-11-0035-8. — ISBN 985-11-0155-9 (т. 9). — С. 38.

Спасылкі

• Куприт // Каталог Минералов (руск.)
• Cuprite Mineral Data // Mineralogy Database (англ.)