Кэйдза Абуці

Кэйдза Абуці (яп.: 小渕恵三; 25 чэрвеня 1937, Наканодзё, прэфектура Гуму, Японія — 14 мая 2000, Токіа) — японскі дзяржаўны і палітычны дзеяч, дванаццаць разоў выбіраўся у ніжнюю палату парламента Японіі. З 30 ліпеня 1998 года па 5 красавіка 2000 года займаў пасаду Прэм’ер-міністра Японіі.

Кэйдза Абуці
яп.: 小渕 恵三
сакратар Кабінета міністраў Японіі[d] 6 лістапада 1987 — 3 чэрвеня 1989
Пераемнік	Masajuro Shiokawa[d]
84-ы прэм’ер-міністр Японіі 30 ліпеня 1998 — 5 красавіка 2000
Папярэднік	Рутара Хасімота
Пераемнік	Ёсіра Моры
Член Палаты прадстаўнікоў Японіі[d] 1963 — 2000
Міністр замежных спраў Японіі[d] 11 верасня 1997 — 30 ліпеня 1998
Нараджэнне	25 чэрвеня 1937(1937-06-25)[…] Наканодзё[d], Японская імперыя
Смерць	14 мая 2000(2000-05-14)[…] (62 гады) Juntendo University Hospital[d], Токіа, Японія
Бацька	Міцухэй Абуці[d]
Маці	Ціё Абуці[d]
Жонка	Цідзука Абуці[d]
Дзеці	Юка Абуці[d] і Акіко Абуці[d]
Партыя	Ліберальна-дэмакратычная партыя
Член у	Heisei Kenkyūkai[d]
Адукацыя	Універсітэт Васэда Tokyo Metropolitan Kita High School[d] Gakushuin Boys' Junior and Senior High School[d]
Аўтограф
Узнагароды
Медыяфайлы на Вікісховішчы

Біяграфія

Нарадзіўся 25 чэрвеня 1937 года ў пас. Наканодзё прэфектуры Гуму (Японія) ў сям’і палітычнага дзеяча, уладальніка ткацкай фабрыкі.

У лістападзе 1963 года ва ўзросце 26 гадоў быў абраны ў парламент ад Ліберальна-дэмакратычнай партыі (ЛДП) — самы малады член парламента Японіі. З гэтага моманту ён ні разу не прайграў выбары ў палату прадстаўнікоў ад сваёй прэфектуры Гуму. У 1970 годзе Абуці быў прызначаны намеснікам Міністра пошт і тэлекамунікацый Японіі. Затым ён таксама займаў пасады парламенцкага намесніка міністра будаўніцтва, намесніка начальніка Канцылярыі прэм’ер-міністра, выконваў функцыі спецыяльнага прадстаўніка прэм’ер-міністра ў шэрагу краін Паўднёва-Усходняй Азіі. У 1979 годзе Абуці атрымаў сваю першую пасаду: ён быў прызначаны начальнікам Канцылярыі прэм’ер-міністра і адначасова начальнікам Упраўлення развіцця Акінавы. У 1991 годзе ён быў абраны генеральным сакратаром ЛДП, а ў 1994 годзе стаў яе віцэ-старшынёй. У 1997 годзе Рутара Хасімота прызначыў яго на пасаду Міністра замежных спраў Японіі, дзе Абуці ўдзельнічаў у перамовах з Расіяй па пытанні аб прыналежнасці Курыльскіх астравоў, а таксама ў перамовах наконт аб’яднання дзвюх Карэй.

У ліпені 1998 года, пасля адстаўкі Хасімота, стаў лідарам ЛДП, а затым, рашэннем ніжняй палаты парламента, — Прэм’ер-міністрам Японіі. У новай пасадзе Абуці сфакусаваўся на двух задачах: падпісанні мірнай дамовы з Расіяй і аднаўленні японскай эканомікі. У верасні 1999 года ён быў ізноў абраны лідарам ЛДП, тым самым падоўжыўшы свой тэрмін знаходжання на пасадзе прэм’ер-міністра.

У пачатку красавіка 2000 года Абуці перанёс цяжкі інсульт і быў дастаўлены ў Такійскі шпіталь Дзюнтэндо. Увечары таго ж дня ён страціў прытомнасць. Нягледзячы на ўсе высілкі урачоў, вывесці з комы яго не ўдалося.

Памёр 14 мая 2000 года ў Токіа.

Спасылкі

• На Вікісховішчы ёсць медыяфайлы па тэме Кэйдза Абуці