Лагойская партызанская брыгада «Бальшавік»

Лагойская партызанская брыгада «Бальшавік» — партызанская брыгада, створаная ў лютым 1944 года на базе атрадаў ««Бальшавік» №1» (пазней «Бальшавік»), «Бальшавік» №2 (пазней імя Будзённага), «Бальшавік» №3 (пазней «Спартак»). Дзейнічала на акупіраванай тэрыторыі Лагойскага раёна. 30 чэрвеня 1944 года брыгада (547 партызан, 3 атрады) злучылася з Чырвонай Арміяй.

Лагойская партызанская брыгада «Бальшавік»
Гады існавання	1944
Краіна	СССР Беларуская ССР
Падпарадкаванне	Беларускі штаб партызанскага руху
Уваходзіць у	Партызанскае злучэнне Барысаўска-Бягомльскай зоны
Тып	партызаны
Функцыя	змаганне з акупантамі
Колькасць	547 партызан (30.6.1944)
Дыслакацыя	Лагойскі раён
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Л. Л. Марозаў

Склад

• атрад «Бальшавік»;
• атрад імя Будзённага;
• атрад «Спартак».

Камандаванне

Камандзір

• Л. Л. Марозаў

Камісар

• М. М. Андрэеў

Начальнік штаба

• В. В. Мягчылаў

Гісторыя

Баявыя дзеянні партызаны праводзілі на чыгунцы Мінск — Маладзечна, шашы Лагойск — Мінск. У «рэйкавай вайне» разбурылі каля 2 км чыгуначнага палатна. У маі 1943 года разграмілі нямецкі санаторый у Астрашыцкім Гарадку, у чэрвені, верасні 1943 года — гарнізоны ў вёсках Косіна, Лагаза. У час наступлення Чырвонай Арміі будавалі пераправы цераз рэкі Гайна і Усяжа.

Памяць

У 1971 годзе ў вёсцы Янушкавічы Лагойскага раёна ў гонар брыгады быў пастаўлены помнік.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.