Леанід Максімавіч Марчанка

Леанід Максімавіч Марчанка (1 красавіка 1941, Бабруйск, Гомельская вобласць — 11 сакавіка 1996, Мінск) — беларускі мастак-графік.

Леанід Максімавіч Марчанка
Дата нараджэння	1 красавіка 1941(1941-04-01)
Месца нараджэння	Бабруйск, Магілёўская вобласць, БССР, СССР
Дата смерці	11 сакавіка 1996(1996-03-11) (54 гады)
Месца смерці	Мінск, Беларусь
Грамадзянства	СССР  Беларусь
Род дзейнасці	мастак
Вучоба	Беларускі дзяржаўны тэатральна-мастацкі інстытут (1972) Пензенскае мастацкае вучылішча імя К. А. Савіцкага[d] (1960)
Уплыў	Язэп Драздовіч, Напалеон Орда, Анатоль Тычына
Член у	Саюз мастакоў БССР

Біяграфія

1955—1960-я гг. — Пензенскае мастацкае вучылішча імя К. Савіцкага.

У 1972 годзе скончыў Беларускі тэатральна-мастацкі інстытут, аддзяленне графiкi, выкладчыкі — Павел Любамудраў, Арлен Кашкурэвіч, Аляксандр Казлоўскі, Людвиг Асецкі.

З 1974 года — член Саюзу мастакоў Беларусі.

Быў выдатным майстрам беларускай пейзажнай графікі, паслядоўнікам ідэй нацыянальнага рамантызму, якія з ХIХ ст. развіваліся ў Язэпа Драздовіча, Напалеона Орды, Анатоля Тычыны, знакамітых мастакоў-падарожнікаў, майстроў архітэктурнага пейзажу.

Афорты, літаграфіі Леаніда Марчанкі не з’яўляюцца прыкладам даследчай працы над прыроднымі матывамі з выяўленнем галоўнага і жывымі тонкімі, як вастрыё іголкі, характарыстыкамі кожнай істотнай дэталі — раслін, нябеснай прасторы, воднай плыні. Ён шматпланава адлюстроўваў прасторы роднага краю.

Прымаў удзел у больш чым 80–ці рэспубліканскіх, міжнародных і персанальных выстаўках у Беларусі і за яе межамі.

З 18 лютага па 21 сакавіка 2021 года ў Нацыянальным мастацкмі музеі Рэспублікі Беларусь працавала персанальная выстаўка графічных і акварэльных твораў Леаніда Марчанкі.

Творы мастака знаходзяцца ў калекцыях Нацыянальнага мастацкага музею Беларусі, Дзяржаўнай Траццякоўскай галерэі, выставачнага аб’яднання «Цэнтральны Дом мастака» (Масква), Музея сучаснага мастацтва ў Кёльне (Германія), Музеі імпрэсіянізму ў Германіі, прыватных зборах Беларусі і замежжа.