Лезвінка
Ле́звінка[1][2][3] — возера ў Шумілінскім раёне Віцебскай вобласці Беларусі ў басейне ракі Заходняя Дзвіна, за 16 км на поўдзень ад гарадскога пасёлка Шуміліна, прыкладна за 0,5 км на паўночны захад ад вёскі Івоніна.
| Лезвінка | |
|---|---|
| Морфаметрыя | |
| Даўжыня | 0,59 км |
| Шырыня | 0,5 км |
| Плошча | 0,21 км² |
| Аб’ём | 0,00013 км³ |
| Даўжыня берагавой лініі | 1,85 км |
| Найбольшая глыбіня | 1,5 м |
| Басейн | |
| Плошча вадазбору | 10,2 км² |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Лезвінка |
|
|
|
|
 Лезвінка |
|
 |
|
Плошча паверхні 0,21 км². Найбольшая глыбіня 1,5 м. Даўжыня 0,59 км. Найбольшая шырыня 0,5 км. Даўжыня берагавой лініі 1,85 км. Аб’ём вады 0,13 млн м³. Плошча вадазбору 10,2 км². Катлавіна возера рэшткавага тыпу, круглаватая. Схілы катлавіны вышынёй 5—7 м, на паўночным захадзе да 12[2][3] м. Берагі нізкія, пераважна сплавінныя, на ўсходзе пясчаныя. Дно плоскае, выслана сапрапелем. Пойма шырынёй да 200 м, забалочаная, парослая хмызняком. Возера дыстрафіруючае, цалкам зарастае. На поўначы ручаём злучаецца з возерам Гародна, на паўночным усходзе выцякае ручай у Заходнюю Дзвіну, на паўднёвым усходзе ўпадае ручай з возера Вочка.
У возеры расце рэдкі від раслін — вадзяны арэх, занесены ў Чырвоную кнігу Рэспублікі Беларусь[4][2][3].
Крыніцы
правіць- ↑ БелЭн 1999.
- ↑ а б в ЭПБ 1984.
- ↑ а б в Блакітная 1994.
- ↑ Красная книга Республики Беларусь Архівавана 2 чэрвеня 2017. (руск.)
Літаратура
правіць- Ле́звінка // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 187—188. — 10 000 экз. — ISBN 985-11-0035-8. — ISBN 985-11-0155-9 (т. 9).
- Уласаў Б. П. Ле́звінка // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 147—148. — 588 с., іл. — 10 000 экз.
- Ле́звінка // Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — С. 217. — 415 с. — 10 000 экз. — ISBN 5-85700-133-1.
- Ліст карты N-35-36. Выданне 1991 года. Стан мясцовасці на 1987 год. (руск.)
Спасылкі
правіць- Общая характеристика озёр Витебской области // Справочник «Водные объекты Республики Беларусь» (руск.)
- Морфометрические параметры озёр Витебской области // Справочник «Водные объекты Республики Беларусь» (руск.)
- Иванов-Смоленский В. Г. Все озёра Беларуси. Популярная иллюстрированная энциклопедия. Т. 3-2. (руск.)