Людміла Іванаўна Красоўская

Людміла Іванаўна Красоўская (нар. 21 сакавіка 1949, г. п. Любча, Навагрудскі раён, Гродзенская вобласць) — беларуская спецыялістка ў галіне тэарэтычных асноў цеплатэхнікі. Доктар тэхнічных навук (2001), прафесар.

Людміла Іванаўна Красоўская
Дата нараджэння	21 сакавіка 1949(1949-03-21) (75 гадоў)
Месца нараджэння	Любча, Любчанскі раён, Баранавіцкая вобласць, БССР, СССР
Грамадзянства	Беларусь
Месца працы	факультэт хімічнай тэхналогіі і тэхнікі БДТУ Інстытут цепла- і масаабмену імя А. В. Лыкава
Навуковая ступень	доктар тэхнічных навук (2001)
Навуковае званне	прафесар
Альма-матар	БДУ (1971)

Біяграфія

Скончыла Беларускі дзяржаўны ўніверсітэт (спецыяльнасць «Хімія», 1971), Беларускі тэхналагічны інстытут (аспірантура, спецыяльнасць «Тэхналогія неарганічных рэчываў», 1980).

Працавала ў Інстытуце цепла- і масаабмену імя А. В. Лыкава НАН Беларусі (1977—2002), Беларускім дзяржаўным тэхналагічным універсітэце (2002—2014, факультэт хімічнай тэхналогіі і тэхнікі, кафедра фізічнай і калоіднай хіміі, прафесар).

Навуковыя інтарэсы: плазмахімія; тэарэтычныя даследаванні па праблемах сінтэзу і вывучэння ўласцівасцей вугляродных нанаструктур; малекулярна-дынамічныя даследаванні фарміравання і трасфармацыі вугляродных нанатрубак; даследаванне механізму ўтварэння вугляродных нанаструктур на часціцах нікелевага каталізатара; разлік канстанты скарасцей узаемадзеяння нанатрубак з нізкамалекулярнымі вугляроднымі кампанентамі.

Узнагароды

Ганаровая грамата АН Беларускай ССР (1981).

Бібліяграфія

• Теплофизические и теплотехнические основы плазмохимических процессов в трехструйных электродуговых реакторах : диссертация … доктора технических наук : 05.14.05 : защищена 28.09.2000 : утверждена 11.04.2001 / Красовская Людмила Ивановна. — Минск, 2000.
• Плазмохимические процессы в трехструйных электродуговых реакторах / Л. И. Красовская, А. Л. Моссэ. — Минск, 2000.
• Моделирование формирования плазменных потоков в реакторах с трехструйными камерами смешения / Л. И. Красовская, М. А. Брич. — Минск, 1999.

Літаратура

• Красовская Людмила Ивановна // Республика Беларусь : энциклопедия : [в 7 т.]. — Минск, 2007. — Т. 4. — С. 275.