Максімільян Станіслаў Рыла

Максіміліян Станіслаў Рыла (польск.: Maksymilian Stanisław Ryłło; 31 снежня 1802, в. Падароск, Ваўкавыскі павет, Гродзенская губерня — 17 чэрвеня 1848) — філосаф, археолаг, арыенталіст, каталіцкі місіянер на Блізкім Усходзе і ў Паўночнай Афрыцы.

Максіміліян Станіслаў Рыла
Імя пры нараджэнні:	Maksymilian Stanislaw Ryllo
Дата нараджэння	31 снежня 1802(1802-12-31)
Месца нараджэння	Падароск, Падароскі сельсавет, Ваўкавыскі раён, Гродзенская вобласць
Дата смерці	17 чэрвеня 1848(1848-06-17) (45 гадоў)
Месца смерці	Хартум, Хартум, Судан
Месца пахавання	Каір
Краіна:	Польшча  Расійская імперыя
Альма-матар:	Полацкая езуіцкая акадэмія
Кірунак:	Місіянерства
Асноўныя інтарэсы:	археалогія, тэалогія

Паходзіў са збяднелай шляхты. Скончыў павятовую школу і Полацкую езуіцкую акадэмію са званнем магістра філасофіі. 3 1820 вучыўся ў Віленскім універсітэце. У сувязі з выгнаннем езуітаў з Расіі вучобу прадоўжыў у Грыгарыянскім універсітэце ў Рыме, дзе атрымаў званне прафесара філасофіі. 3 1833 святар. Упершыню даследаваў руіны старажытнага Вавілона і ахвяраваў музею Ватыкана багатую калекцыю археалагічных знаходак. У 1837 абраны ў Папскую археалагічную акадэмію і Арыенталагічнае таварыства Францыі. У 1839 на Блізкім Усходзе, адкрыў у Бейруце Каталіцкую акадэмію («Collegium Asiaticum», 1841), у 1875 акадэмія пераўтворана ў Бейруцкі ўніверсітэт Св. Іосіфа. У 1841-43 на Мальце, надрукаваў каментарыі да выдання заснавальніка ордэна езуітаў Ігнація Лаёлы «Духоўныя практыкаванні». 3 1844 рэктар Рымскага калегіума, з 1846 апостальскі вікарый Цэнтральнай Афрыкі ў Хартуме.

Літаратура

• Першы даследчык Вавілона (бел.)  // Свіслацкая газета. — Ваўкавыск: 2008. — В. 20 мая.
• Koscialkowski S. O. Maksymilian Ryllo, T. J. 1802–1848. — Bejrut, 1946.
• Karol A. Jezuita romantyczny – o. Maksymilian Ryllo. — Krakow, 1992.