Мар’яна Адольская
танцоўшчыца
Мар’яна Адо́льская (Адамовіч) (1767 ?, г. Паставы — ?) — танцоўшчыца.
Мар’яна Адольская | |
---|---|
Дата нараджэння | 1767 |
Месца нараджэння | Паставы |
Тэатр | Тэатр Антонія Тызенгаўза |
Біяграфія правіць
Да 1785 года прыгонная падскарбія надворнага літоўскага Антоні Тызенгаўза.
Вучылася ў яго балетных школах у Гродне (магчыма, у Г. Петынеці) і Паставах (у Ле Ду).
У верасні 1778 года ўдзельнічала як салістка ў школьным спектаклі «Сялянскі балет» Петынеці на сцэне прыдворнага тэатра Тызенгаўза ў Гродне (у праграмцы значылася як М. Адамовіч).
У 1783 годзе была сярод выканаўцаў балета «Шлюб самнiтаў».
Пасля смерці магната перададзена паводле яго завяшчання каралю Станіславу Аўгусту Панятоўскаму і ў 1785 годзе ўвайшла як другая салістка ў склад трупы «Таварыства танцоўшчыкаў яго каралеўскай вялікасці».
У 1789 годзе пакінула сцэну.
Літаратура правіць
- Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
- Мар’яна Адольская // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2002. — Т. 1. — 565 с. — 4 000 экз. — ISBN 985-11-0255-5.