Характэрнай прыкметай сямейства з'яўляецца размяшчэнне эліптычных або круглявых сорусаў (без пакрывальцаў) на ніжнім баку пласцінкі ліста. Расліны шматгадовыя і пакрытыя лускавінкамі, якія маюць ўзыходзячае альбо паўзучае карэнішча. Само лісце можа быць перыстым, двойчы пёрыстым, суцэльным або лопасцевым.
Выкапнёвыя прадстаўнікі сямейства вядомыя ўжо з адкладаў познетрыясавага перыяду. У цяперашні час гэта сямейства распаўсюджана па ўсім зямным шары, але ў асноўным у тропіках Старога Свету. Часцей за ўсё гэта эпіфітныя расліны, насяляюць на ствалах, а таксама на тоўстых галінах дрэў. Некаторыя з іх з'яўляюцца аблігатнымі (абавязковымі) эпіфітамі, тады як іншыя могуць расці як на скалах і на глебе, так і на ствалах дрэў.
Сярод прадстаўнікоў сямейства высокі працэнт аўтапаліплоідаў.
Сістэматыка не сталая. У залежнасці ад пункту гледжання даследчыка, сямейства можа ўключаць у сябе ад 10 да 50 родаў (ад 500 да 1200 відаў). Па іншай інфармацыі налічвае да 65 родаў і 1200 відаў адпаведна.
Бобров А. Е. Семейство полиподиевые, или многоножковые (Polypodiaceae) // Жизнь растений: в 6 тт. Т. 4. Мхи. Плауны. Хвощи. Папоротники. Голосеменные растения. / под ред. И. В. Грушвицкого и С. Г. Жилина. — М.: Просвещение, 1978. — С. 205—209.
