Мода (статыстыка)

Мода у статыстыцы — непараметрычная характарыстыка размеркавання выпадковай велічыні, якая адпавядае значэнню прыкметы, якое сустракаецца часцей за астатнія. Іншымі словамі, мода — гэта значэнне, якое часцей за ўсе сустракаецца ў выбарцы.

Модай дыскрэтнага размеркавання (англ.: Discrete probability distribution; руск.: Дискретное распределение) з'яўляецца значэнне, пры якім велічыня функцыі імавернасці становіцца найбольшай. У сваю чаргу модай бесперапыннага размеркавання (англ.: Continuous probability distribution) з'яўляецца значэнне, пры якім велічыня шчыльнасці верагоднасці (англ.: Probability density function; руск.: Плотность вероятности), таксама, становіцца найбольшай (нефармальна кажучы, «мода супадае з пікам шчыльнасці верагоднасці»).

Як статыстычнае сярэдняе і медыяна, мода з'яўляецца спосабам выразіць адным лікам важную інфармацыю аб выпадковай велічыні/зменнай або выбарцы. Пры нармальным размеркаванні лікавае значэнне моды тое ж самае, што і ў сярэдняга і медыяны, і наадварот, у моцна скажоным размеркаванні значэнні моды, сярэдняга і медыяны могуць быць вельмі розным.